Pune News: राज्य शासनाच्या महसूल विभागामार्फत एक ते सात ऑगस्ट या दरम्यान महसूल सप्ताह साजरा करण्यात येत आहे. या सप्ताहानिमित्त पुण्यातील विभागीय आयुक्तालय येथील झुंबर हॉल येथे शुक्रवार (ता. १) कार्यक्रमाचे आयोजन करण्यात आले होते. या वेळी पुणे विभागातील उत्कृष्ट काम करणाऱ्या अधिकारी यांचा राज्याचे उपमुख्यमंत्री अजित पवार यांच्या हस्ते पुरस्कार देऊन गौरविण्यात आले. या पुरस्कारचे सन्मानचिन्ह व प्रशस्तिपत्रक असे स्वरूप होते.

एक ऑगस्ट हा महसूल दिन म्हणून राज्यभर साजरा करण्याचे आदेश दिले आहेत. त्यानुसार उत्कृष्ट जिल्हाधिकारी, अप्पर जिल्हाधिकारी, उपजिल्हाधिकारी, तहसीलदार, नायब तहसीलदार, अव्वल कारकून, मंडलअधिकारी, लिपिक, तलाठी, पोलिस पाटील, कोतवाल व वाहन चालक यांचा उत्कृष्ट अधिकारी, कर्मचारी म्हणून गौरव व सन्मान करण्यात आला.

यावेळी विभागीय आयुक्त डॉ. चंद्रकांत पुलकुंडवार, जिल्हाधिकारी जितेंद्र डुडी, आमदार चेतन तुपे, बापूसाहेब पटारे, शंकर मांडेकर,अतिरिक्त आयुक्त कविता द्विवेदी, अप्पर आयुक्त तुषार ठोंबरे आदि उपस्थित होते.

उत्कृष्ट अधिकारी व कर्मचारी यांची नावे व वर्ग 

पुणे विभागांतर्गत उत्कृष्ट अधिकारी : सुहास मापारी (उत्कृष्ट अप्पर जिल्हाधिकारी), अभिषेक देशमुख (उत्कृष्ट उपजिल्हाधिकारी), सचिन लंगुटे (उत्कृष्ट तहसीलदार), विष्णू बुटे (उत्कृष्ट नायब तहसीलदार), उज्वला ओरपे (उत्कृष्ट लघुलेखक), कुलदीप बनसोडे (उत्कृष्ट सहाय्यक महसूल अधिकारी), एम.ए. शेख , सुरेखा कोळी (उत्कृष्ट महसूल सहाय्यक), अंजुम शिकलगार (उत्कृष्ट ग्राम महसूल अधिकारी), विजय शिंदे (उत्कृष्ट वाहन चालक), जोत्स्ना पाटील (उत्कृष्ट पोलिस पाटील), रमेश साळुंके (उत्कृष्ट शिपाई), गुलाब सोनवले (उत्कृष्ट महसूल सेवक),

ई प्रकल्पामध्ये काम केलेले उत्कृष्ट अधिकारी 

सुरेंद्र नवले (पीएमवाय-जनमन), संजय नागटिळक (ई प्रोजेक्ट), राम बीजे (ई प्रोजेक्ट), संतोष नलवडे (ई फेरफार), व्यंकटेश चिरमुल्ला (ई रेकॉर्ड), मंगल अभंग (सेतू कक्ष, पुणे शहर), रोहन गभाले (ई हक्क), गोरक्षनाथ इंगळे (ई चावडी), शाहीद खुरेशी (पानंद रस्ते), सचिन औटी (अॅग्रीस्टॅक), रामलिंग भोसले (महाराजस्व अभियान), दत्तात्रय अरगडे (ई-पीक पाहणी).