Revenue Department : महसूलचा गोंधळ; लाभार्थ्यांची गर्दी

Ahilyanagar News : येथील तहसीलदार कार्यालयाच्या अधिकारी-कर्मचाऱ्यांमधील गोंधळ नवीन नाही. मात्र, या गोंधळामुळे वयोवृद्ध योजना लाभार्थ्यांची तारांबळ उडाल्याचे मंगळवारी पाहायला मिळाले. महसूल विभागाने एकवाक्यता राखून लाभार्थ्यांची गैरसोय टाळण्याची गरज आहे.

संजय गांधी निराधार अनुदान योजना व श्रावणबाळ सेवा राज्य निवृत्तीवेतन योजनाच्या लाभार्थ्यांना अर्थसहाय्याचे वितरण डीबीटी पोर्टलद्वारे करण्याचा शासनाने निर्णय घेतला आहे. डिसेंबर २०२४ पासून ही पद्धती कार्यान्वित झाली आहे. मात्र, ज्या लाभार्थ्यांनी ई-केवायसी केले आहे, त्याच लाभार्थ्यांना या योजनांचा लाभ मिळत आहे. ज्यांचे ई-केवायसी झालेले नाही त्यांना या योजनांचा लाभ मिळत नाही.

त्या लाभार्थ्यांचे मंडलनिहाय ई-केवायसी करण्याची मोहीम राबविण्यात येत आहे. त्यानुसार पहिल्या दिवशी मंगळवारी (ता.१०) श्रीगोंदे मंडलामध्ये कॅम्प आयोजित करण्यात आला होता. मात्र, याबाबतची माहिती लाभार्थ्यांना पुरविताना त्यात गोंधळ झाला. त्यामुळे मंडलनिहाय कॅम्प होणार असतानाही तालुक्यातील कित्येक लाभार्थ्यांनी तहसील कार्यालयात गर्दी केली होती.

लाभार्थ्यांची गर्दी झाल्याने प्रशासनाचा गोंधळ, तर उडालाच शिवाय लाभार्थ्यांना दिवसभर ताटकळत बसण्याची वेळ आली. त्यातच, श्रीगोंदे मंडलातील लाभार्थ्यांचे आधार अपडेट करण्यासाठी आधार केंद्र चालकाला तहसीलदार कार्यालयात हजर रहायला सांगितले होते. मात्र, तोही दिवसभर तहसीलकडे फिरकला नाही. त्यामुळे सांयकाळी पाच वाजल्यानंतरही काही लाभार्थी तहसील कार्यालयात बसून होते.

संजय गांधी निराधार अनुदान योजना व श्रावणबाळ सेवा राज्य निवृत्तीवेतन योजनाच्या लाभार्थ्यांना अर्थसहाय्याचे वितरण डीबीटी पोर्टलद्वारे करण्याचा शासनाने निर्णय घेतला आहे. डिसेंबर २०२४ पासून ही पद्धती कार्यान्वित झाली आहे.

मात्र, ज्या लाभार्थ्यांनी ई-केवायसी केले आहे, त्याच लाभार्थ्यांना या योजनांचा लाभ मिळत आहे. ज्यांचे ई-केवायसी झालेले नाही त्यांना या योजनांचा लाभ मिळत नाही. त्या लाभार्थ्यांचे मंडलनिहाय ई-केवायसी करण्याची मोहीम राबविण्यात येत आहे.