Agriculture News : हंगामात शेतीकामी लागणाऱ्या निविष्ठांबाबत बाजारावरील अवलंबिता वाढली आहे. त्याच्याच परिणामी उत्पादकता खर्चही वाढल्याने शेतीचे अर्थकारणच बिघडले. बाजारावरील अवलंबित्व कमी करण्यासाठी निदान घरचे बियाणे तरी वापरले पाहिजे, असा सल्ला डॉ. पंजाबराव देशमुख कृषी विद्यापीठाचे कुलगुरू डॉ. शरद गडाख यांनी दिला.

सेवा समिती आनंदवनद्वारा संचलित व डॉ. पंजाबराव देशमुख कृषी विद्यापीठ संलग्नित आनंद निकेतन कृषी महाविद्यालय व आनंदन कृषी तंत्र विद्यालय यांच्यातर्फे बीजोत्सव-२०२३ च्या समारोपीय कार्यक्रमात ते बोलत होते. यावेळी अध्यक्षस्थानी डॉ. विकास आमटे होते. पाहुणे म्हणून विस्तार शिक्षण संचालक डॉ. धनराज उंदिरवाडे, प्राचार्य डॉ. सुहास पोतदार, सुधाकर कडू, डॉ. दिलीप पेशवे, हर्षदा पोतदार, वसंत फुटाणे, प्राची माहूरकर उपस्थित होते.

डॉ. गडाख म्हणाले, ‘‘पर्यावरणाचा समतोल राखण्याची आता गरज आहे. हा समतोल न राखण्याचे दुष्परिणाम आपण सर्वच भोगत आहोत. पर्यावरणातील बदलाचा सर्वाधिक फटका शेती क्षेत्राला बसला आहे. भविष्यात हे आव्हान गडद होईल. त्यापूर्वीच उपाययोजनांवर भर दिला पाहिजे. सेंद्रिय कर्ब वाढवित जमीन आरोग्य जपून उत्पादकता वाढीचा उद्देश साधावा.  

यामध्ये सुभाष शर्मा, संजय पाटील, सुरेश गरमाडे, विद्या रुद्राक्ष, शिवदास कोरे, प्रताप मारोडे, डॉ. श्‍यामकुवर, सुभद्राताई, आसावरी पोशेट्टीवार, निर्मला काठोके, पद्यताई गुरनुले, गीताताई, श्‍वेता भट्टड, शंकर घाटावार, सावित्री अनंत, आराधना ताठे, ईश्‍वर माकोडे, अनंत भोयर होता.