Yavatmal News : पारशिवनी तालुक्यातील नवेगांव खैरी पेंच धरणाचे दोन वक्रद्वार शनिवारी (ता. १९) दुपारी ०.५० सेमी उघडले असून त्यातून ३० क्युसेक पाणी नदीपात्रात सोडले असल्याची माहिती पेच पाटबंधारे उपविभाग पारशिवनीचे उपविभागीय अभियंता एन.एस सावरकर यांनी दिली.

पेंच उजवा मुख्य कालव्यावर बाभूळवाडा गावाजवळ पुलाचे काम सुरू आहे. तसेच लघु कालव्याचे मुख्य शीर्ष विमोचकाचे खोदकाम सुरू असून हे काम ‘सेफ लेव्हल’ला यायला कमीत कमी एका आठवड्याचा कालावधी लागू शकतो, अशी माहिती एन. एस. सावरकर यांनी दिली.

नागपूर महानगरपालिकेची पेंच उजव्या मुख्य कालव्यावरून पाणी मागणी पूर्ण करणे शक्य नसल्याने त्यांच्या मागणीनुसार व पेंच पाटबंधारे उपविभाग पारशिवनीचे कार्यकारी अभियंता केतन आकुलवार यांच्या आदेशाने शनिवारी (ता. १९)दुपारी ३ वाजता पेंच धरणाचे दोन वक्रद्वार ०.५० सेमी उघडले. त्या

धरणातून ३० क्युसेक पाणी नदीपात्रात सोडले. त्यामुळे नदी काठावरील गावकरी आणि नदीपात्रातून आवागमन करणाऱ्यांनी स्वतः ची काळजी बाळगावी, असे आवाहन पेंच पाटबंधारे उपविभाग पारशिवनीचे उपविभागीय अभियंता एन .एस सावरकर यांनी केले आहे.