Kasa News : गेल्या काही दिवसांपासून पालघर जिल्ह्याला पावसाने झोडपले. डहाणू तालुक्यातदेखील पावसाने धुमाकूळ घातला असून दररोज संध्याकाळी व रात्री विजेच्या कडकडाटासह जोरदार पाऊस पडत आहे.

यामुळे तयार झालेल्या भाताचे मोठे नुकसान होत आहे. तालुक्यात सुमारे ३० हेक्टरचे नुकसान झाले आहे. डहाणू तालुक्यात बऱ्याच शेतकऱ्यांचे भात पीक कापणीला तयार झाले आहे. काही दिवसांत कापणीला सुरुवातदेखील होणार होती. तर काहींनी सुरुवात देखील केली होती.

हवामान खात्याने अजून काही दिवस पाऊस पडल्याचे वर्तवले असल्याने शेतकरी चिंताग्रत झाले आहेत. होता-तोंडाशी आलेला घास पुन्हा हिरावला जाणार, याची भीती शेतकऱ्यांना सतावत आहे.

तालुक्यात पावसामुळे ९९ शेतकरी नुकसानग्रस्त झाल्याचे पाहणी अहवालात सांगितले. २९.८० हेक्टर क्षेत्राचे नुकसान झाले. कृषी विभागातर्फे पाहणी केली जात आहे.