Latur News:  शहरातील वेगवेगळ्या समस्यांना नागरिकांना तोंड द्यावे लागत आहे. या समस्या तातडीने सोडवाव्यात, अशी मागणी शिवसेना उद्धव बाळासाहेब ठाकरे पक्षाच्या वतीने महापालिकेच्या आयुक्त मानसी यांच्याकडे करण्यात आली आहे. 

सध्या शहरात रस्ते फोडून भूमिगत पाइपलाइन टाकली जात आहे, हे रस्ते तातडीने दुरुस्त करावेत, शहरात ठिकठिकाणी कचऱ्याचे ढीग लागत आहेत, कचऱ्याचा प्रश्न निकाली काढावा, शहरातील सुलभ स्वच्छतागृहांत महिलांना शुल्क आकारू नये, महिलांसाठी ही मोफत सुविधा असावी. शहरात सध्या डासांचे प्रमाण वाढले आहे.

त्यामुळे प्रत्येक प्रभागात धूर फवारणी करावी, शहरात फुटपाथवरच अतिक्रमण करून व्यवसाय थाटले जात आहेत. त्यामुळे नागरिकांना याचा त्रास सहन करावा लागत आहे. तरी फुटपाथ रिकामे करावेत, शहरात उघड्यावरील मांस विक्री बंद करावी, रस्त्यावरील खड्डे तातडीने बुजवावेत, शहरात पार्किंगची व्यवस्था करावी, आवास योजनेतील अनुदानाचे हप्ते लाभार्थ्यांना

वेळेवर देण्यात यावेत, आदी मागण्या आयुक्तांकडे करण्यात आल्या आहेत. तसेच आंदोलनाचा इशाराही देण्यात आला आहे. या शिष्टमंडळात सहसंपर्क प्रमुख नामदेव चाळक, चंद्रनाथ मुरळीकर, जिल्हाप्रमुख अजित रेड्डी, महिला जिल्हा संघटक सुनिता नामदेव चाळक, उपजिल्हा प्रमुख बालाजी जाधव, महानगर प्रमुख सुनील बसपुरे,  शिव आरोग्य सेनेचे जिल्हा समन्वयक त्र्यंबक गुरुनाथ स्वामी,

एस.आर.चव्हाण, लातूर शहरप्रमुख विष्णुपंत साठे, अॅड. राहुल मातोळकर, योगेश स्वामी, शंकर रांजणकर, माधव कलमुकले, सुभाष गुंडिले, किसन समुद्रे, बसवराज मंगरूळे, अॅड. वैभव बिराजदार, संध्या आरदवाड, शेख रफीक, राजाभाऊ घटमल, हनुमंत पडवळ आदी सहभागी झाले होते.