Farmers Protest News Updates: गहू खरेदीसाठी विलंब केला जात असल्याबद्दल पंजाबमधील शेतकरी संघटनांनी आंदोलनाची घोषणा केली आहे. गहू खरदी तत्काळ सुरु करावी आणि सध्याचे खरेदीबाबतचे नियम शिथिल करावेत, अशी मागणी त्यांनी केली आहे. पंजाबमध्ये १७ एप्रिल रोजी राज्यव्यापी रेल्वे रोको आंदोलन करण्याचा निर्णय त्यांनी घेतला आहे. .शेतकरी संघटनांनी संयुक्तपणे १७ एप्रिल रोजी दुपारी १२ ते ३ दरम्यान राज्यभर रेल्वे रोको करणार असल्याचे सांगितले आहे. हा निर्णय संयुक्त किसान मोर्चा, किसान मजदूर मोर्चा यांच्या संलग्न असलेल्या संघटनांनी घेतला आहे. तसेच, या निर्णयाला आझाद किसान मोर्चाने पाठिंबा दर्शवला आहे. जर खरेदी प्रक्रिया लवकर सुरू झाली नाही, तर दुपारी १२ ते ३ या वेळेत रेल्वे गाड्या रोखल्या जातील, असा इशारा त्यांनी दिला आहे..Farmers Protest: गहू खरेदीच्या नवीन नियमांविरोधात हरियाणातील शेतकरी आक्रमक, हिसार-सिरसा महामार्ग ४ तास रोखला.राज्यातील अनेक भागात अवकाळी पाऊस आणि गारपिटीमुळे काढणीला आलेल्या शेतपिकांचे मोठ्या प्रमाणात नुकसान झाले. यामुळे गव्हाचा दर्जा खालावला आहे. परिणामी, शेतमाल बाजार समित्यांमध्ये विक्रीविना तसाच पडून आहे. त्यात खरेदी प्रक्रियेसाठी विलंब केला जात असल्याने शेतकऱ्यांना त्यांचा शेतमाल कमी दरात विकावा लागत असल्याचे शेतकरी संघटनांनी निदर्शनास आणून दिले आहे. या पार्श्वभूमीवर त्यांनी आंदोलनाची हाक दिली आहे..Farmers Protest: कृषिपंपाचे वीज कनेक्शन तोडल्याने शेतकरी संतप्त, 'महावितरण'च्या अधिकाऱ्यांना विचारला जाब.तसेच बारदानाची टंचाई आहे. तसेच खरेदी केंद्रांवर निवारा आणि स्वच्छतागृहांची सुविधा नसल्याच्या समस्यांकडेही शेतकरी संघटनांनी लक्ष वेधले आहे. शेतकऱ्यांच्या उपजीविकेचा हा प्रश्न आहे. त्यासाठी गहू खरेदी लवकर सुरु होणे गरजेच असल्याचे सांगत शेतकरी नेत्यांनी आंदोलनासाठी जनतेच्या पाठिंब्याची अपेक्षा व्यक्त केली आहे..जाचक अटी आणि खरेदीसाठी विलंब केला जात असल्याने मोठ्या अडचणींना सामोरे जावे लागत असल्याचे शेतकऱ्यांचे म्हणणे आहे. गहू खरेदी तत्काळ सुरू करावी आणि गहू खरेदीचे नियम शिथील करावेत, या त्यांच्या प्रमुख मागण्या आहेत. या मागण्या पूर्ण न झाल्यास तीव्र आंदोलनाचा इशारा शेतकरी संघटनांनी दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
