Orange Summer Management: सध्या तापमान ४० अंशांपेक्षा जास्त असल्यामुळे संत्रा बागांमध्ये फळगळ मोठ्या प्रमाणात दिसून येत आहे. आंबिया बहारातील झाडांवर फळधारणा झाल्यानंतर अचानक वाढलेल्या तापमानामुळे लहान फळे गळतात, तर मृग बहारातील झाडे या काळात विश्रांती अवस्थेत असतात. त्यामुळे उन्हाळ्यात बागेतील तापमान कमी ठेवणे आणि योग्य व्यवस्थापन करणे खूप महत्त्वाचे आहे..आंबिया बहारासाठी उपाययोजनाउन्हाळ्यात संत्रा झाडांना जमिनीच्या प्रकारानुसार नियमित पाणी देणे गरजेचे आहे. साधारण ७ ते ८ दिवसांच्या अंतराने पाणी द्यावे. पाण्याची कमतरता असल्यास ठिबक सिंचनाचा वापर करावा. पाणी शक्यतो सकाळी किंवा संध्याकाळी द्यावे आणि दुपारी पाणी देणे टाळावे, कारण उष्णतेमुळे पाणी लगेच वाफ होऊन फळगळ होऊ शकते..Orange Fruit Drop: फळगळतीने संत्रा उत्पादकांना फटका.झाडांच्या आळ्यात पालापाचोळा, वाळलेले गवत टाकून आच्छादन केल्यास जमिनीतील ओलावा टिकतो. तण वाढू नये म्हणून वेळोवेळी हलकी वखरणी करावी. यामुळे मुळांना हवा मिळते आणि झाडांची वाढ चांगली होते.पाणी देताना झाडाच्या खोडाला पाणी लागू देऊ नये, कारण त्यामुळे डिंक्या रोगाचा धोका वाढतो. तसेच झाडाच्या बुंध्याला बोर्डो पेस्ट लावल्यास बुरशीजन्य रोगांपासून संरक्षण मिळते..Ai in Orange Farming: कृत्रिम बुद्धिमत्तेच्या बळावर संत्रा बागांचे व्यवस्थापन.मृग बहारासाठी उपाययोजनामृग बहार घेणाऱ्या झाडांवरील फळे मार्च अखेरपर्यंत काढून घ्यावीत. त्यानंतर झाडांना पाणी द्यावे आणि सुकलेल्या किंवा जास्त वाढलेल्या फांद्या कापून टाकाव्यात. कापलेल्या भागावर बुरशी येऊ नये म्हणून १ टक्के बाविस्टिनची फवारणी करावी..ताण देण्यापूर्वी शेवटचे पाणी देऊन नंतर पाणी बंद करावे आणि जमिनीची उभी-आडवी वखरणी करावी. यामुळे जमिनीतला ओलावा टिकतो, भेगा पडत नाहीत आणि मुळांना हवा मिळते. तसेच जमिनीतील किडी उन्हामुळे नष्ट होतात.झाडाखाली पालापाचोळा किंवा कडबा टाकून आच्छादन केल्यास पाण्याची बचत होते. उन्हाळ्याच्या सुरुवातीला झाडाच्या बुंध्याला १ मीटरपर्यंत बोर्डो पेस्ट लावावी. पावसाळ्यापूर्वी जून महिन्यात झाडांना खत द्यावे.जर मृग नक्षत्रात पाऊस पडत नसेल, तर हलके पाणी दिल्यास बहार फुटण्यास मदत होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
