Cotton Rate agrowon
ॲग्रो विशेष

Cotton Rate : अमेरिकेचा २० लाख गाठी कापूस विनाशुल्क आयात करा; कापड निर्यात सुरळीत चालण्यासाठी उद्योगांची शिफारस

Cotton Production : भारतात यंदा २९५ लाख गाठी उत्पादन झाले. तर कापसाचा वापर स्थिर आहे. त्यामुळे देशात ३५ ते ४० लाख गाठी कापसाची टंचाई भासू शकते. हा कापूस आयात होणारच आहे.

Anil Jadhao 

पुणे : देशातील कापूस उत्पादन कमीच असल्याचे स्पष्ट झाले. दुसरीकडे अमेरिका कापूस घेण्यासाठी भारतावर दबाव टाकत आहे. भारताची कापड निर्यात सुरळीत राहावी यासाठी अमेरिकेतून कोणत्याही शुल्काविना कापूस आयातीला सरकारने परवानगी द्यावी, अशी मागणी उद्योगांनी केली. त्यामुळे सरकार आता अमेरिकेच्या दबावाखाली काय निर्णय घेते, याकडे बाजाराचे लक्ष आहे.

अमेरिकेने भारतातून आयात होणाऱ्या वस्तुंवर २ एप्रिलपासून आयात शुल्क वाढवणार असल्याचा इशारा दिला. तसेच भारताने अमेरिकेतून आयात होणाऱ्या मालावरील आय़ात शुल्क कमी करावे, अशी मागणी अमेरिकेने केली आहे. त्यामुळे कापूस आयातीविषयी काय धोरण राबवावे? याविषयी कॉटन असोसिएशन ऑफ इंडिया अर्थात सीएआयकडे विचारणा केली होती. सीएआयने सरकारला आपल्यावतीने पर्याय सुचवला आहे.

सीएआयने म्हटले आहे की, भारतात यंदा २९५ लाख गाठी उत्पादन झाले. तर कापसाचा वापर स्थिर आहे. त्यामुळे देशात ३५ ते ४० लाख गाठी कापसाची टंचाई भासू शकते. हा कापूस आयात होणारच आहे. भारतात ब्राझील आणि इतर देशांमधून कापूस आयात होत असतो. भारताने ब्राझील आणि इतर देशांऐवजी अमेरिकेतून शुन्य आयात शुल्कावर १५ ते २० लाख गाठी कापूस आयातीला परवानगी द्यावी. यामुळे देशाची गरजही पूर्ण होईल आणि अमेरिका भारताच्या कापड आयातीवर शुल्कही वाढवणार नाही. भारताची निर्यात सुरु राहील, असे सीएआयने म्हटले आहे.

उत्पादनाचा अंदाज

सीएआयने मार्च महिन्यातील कापूस उत्पादन, वापर आणि आयात-निर्यातीचा अपला अहवाल प्रसिध्द केला. या अहवालात देशातील कापूस उत्पादनाचा अंदाज जवळपास साडेसहा लाख गाठींनी कमी केला. देशातील उत्पादन २९५ लाख गाठींवर स्थिरावल्याचे . गुजरात, महाराष्ट्रात उत्पादन कमी राहील्याचे म्हटले आहे. तसेच देशातील कापूस वापर ११५ लाख गाठींवरच राहील, असाही अंदाज सीएआयने दिला आहे. केंद्र सरकारने कापूस उत्पादनाच्या अंदाजात कपात करून २९४ लाख गाठी उत्पादन असल्याचे म्हटले आहे. म्हणजेच सरकार आणि काॅटन असोसिएशन ऑफ इंडियाचा उत्पादनाचा अंदजा जवळपास सारखा आहे.

कापूस आयात वाढली

देशातील कापूस उत्पादन घटले आणि आंतरराष्ट्रीय बाजारात भाव कमी असल्याने देशात कापूस आयात वाढली आहे. सीएआयने भारताची कापूस आयात ३० लाख गाठींवर पोचेल, असेही म्हटले आहे. आधीचा अंदाज २६ लाख गाठींचा होता. भारतात मागणी असल्याने फेब्रुवारीपर्यंत २२ लाख गाठी कापूस आयातही झाल्याचे म्हटले आहे. म्हणजेच यंदा कापूस आयात वाढणार आहे. भारताची कापूस निर्यात १७ लाख गाठी होण्याचा अंदाज आहे. त्यापैकी फेब्रुवारीपर्यंत ९ लाख गाठी कापसाची निर्यात झाल्याचेही सीएआयने म्हटले आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rain In October 2025 : देशात ऑक्टोबर महिन्यात सरासरीच्या ११५ टक्के पावसाचा अंदाज; राज्यावर पावसाचं सावट

Farmer Union Protest: ओला दुष्काळ, ५० हजार रुपये मदतीच्या मागणीसाठी शेतकरी-शेतमजूर संघटनांचे आयुक्तांना निवेदन

Paddy Harvesting : सिंधुदुर्गात पुन्हा जोरदार पाऊस; भातपीक कापणी रखडली

Cotton Crop Management: कपाशीच्या पातेगळच्या व्यवस्थापनासाठी उपाय

Dharashiv Rain : तीन दिवसांच्या पावसात सहाशे घरांची पडझड

SCROLL FOR NEXT