Hingoli News : अनेक दिवसांच्या खंडानंतर हिंगोली व परभणी जिल्ह्यांत बुधवारी (ता. २५) दुपारपासून पाऊस सुरू झाल्यामुळे वाढीच्या अवस्थेतील पिकांना जीवनदान मिळाले. गुरुवारी (ता.२६) सकाळी १० पर्यंतच्या २४ तासांत हिंगोली जिल्ह्यात सरासरी ४८.१ मिलिमीटर, तर परभणी जिल्ह्यात सरासरी १९.९ मिलिमीटर पाऊस झाला.

कळमनुरी व वसमत तालुक्यांतील १० मंडलांत अतिवृष्टीची नोंद झाली. अनेक भागात गुरुवारी (ता. २६) दुपारपर्यंत रिमझिम पाऊस सुरू होता. दीर्घ खंडामुळे वाढीच्या अवस्थेतील सोयाबीन, तूर, कपाशी, मूग, उडीद, हळद आदी पिकांना पाण्याचा ताण बसला होता.

हिंगोली व परभणी जिल्ह्यांत बुधवारी (ता. २५) दुपारपासून पाऊस सुरू आहे. अनेक भागांत रात्रभर पाऊस सुरू होता. अधून मध्यम सरी येत आहेत. चांगला पाऊस झालेल्या भागात रखडलेल्या पेरण्या सुरू होऊ शकतील.

हिंगोली जिल्ह्यात गुरुवारी सकाळी १० पर्यंत वाकोडी, आखाडा बाळापूर, डोंगरकडा, वारंगा, वसमत, अंबा, हयातनगर, गिरगाव, टेंभुर्णी, कुरुंदा मंडलांत अतिवृष्टीची नोंद झाली. मागील २४ तासांत ४८.१ मिलिमीटर, तर १ जूनपासून आजवर ११७.३ मिलिमीटर (८० टक्के) पाऊस झाला.

मंडलनिहाय पाऊस (मिलिमीटरमध्ये)

हिंगोली जिल्हा ः हिंगोली ४१.३, नरसी नामदेव ४७.८, सिरसम ४६, बासंबा ४१.३, डिग्रस कऱ्हाळे ३९, माळहिवरा ४६, खंबाळा ४६, कळमनुरी ५०.३, वाकोडी ७८.५, आखाडा बाळापूर ९४.३, डोंगरकडा ७०.८, वारंगा ६७.५, वसमत ६६.अंबा ६६, हयातनगर ६६, गिरगाव ६७, टेभुर्णी ६६, कुरुंदा ७३.८, हटटा १७.८, औंढानागनाथ ३६.५, येळेगाव ३९, साळणा ४०, जवळा बाजार २३.८, सेनगाव २६,५, गोरेगाव २२.५, आजेगाव २२.५, साखरा २९, पानकन्हेरगाव ३५.३, हत्ता २९.

परभणी जिल्हा ः परभणी १८, परभणी ग्रामीण २४.८, पेडगाव १६.५, जांब १२.८, झरी १९.३, सिंगणापूर ११.५, दैठणा ३७.५, पिंगळी २४.८, टाकळी कुंभकर्ण १३.५, जिंतूर २१, सावंगी म्हाळसा २९, बामणी ४०, बोरी १९, आडगाव ३४.८, चारठाणा १३.३, वाघी धानोरा २१.८, दूधगाव १९.३, वालूर १५.३, कुपटा १७.३, चिकलठाणा १२.५, मोरेगाव १३.८, कोल्हा ११.५, ताडबोरगाव ११.५, रामपुरी ३२, वडगाव १०, गंगाखेड १८, महातपुरी

१५, माखणी १३.३, राणीसावरगाव १७.५, पिंपळदरी १७.८, पालम ४८.३, चाटोरी १७.५, बनवस १७, पेठशिवणी ४९.८, रावराजूर २९.५, पूर्णा ४१, ताडकळस ३०.३, लिमला २९.५, कात्नेश्वर २८.५, चुडावा, ६४.५, कावलगाव ३८.३.