Jalgaon News : जळगाव जिल्ह्यातील टंचाई निवारणासाठी आणि उपाययोजनांसाठी तालुकास्तरावर तीन कोटी ३२ लाखांचा निधी वर्ग करण्यात आला आहे.

गंभीर दुष्काळ जाहीर झालेल्या चाळीसगाव तालुक्याला एक कोटी अकरा लाखांचा, तर अमळनेर तालुक्याला एक कोटी ५० लाखांचा निधी वितरित करण्यात आला आहे, अशी माहिती जिल्हा परिषदेच्या अधिकाऱ्यांनी दिली आहे.

टंचाई निवारण २०२२-२३ अंतर्गत २०२३-२४ साठी ग्रामीण व नागरी भागात पिण्याच्या पाण्याच्या उपाययोजनांसाठी हा निधी देण्यात आला आहे.

प्रलंबित देण्याच्या अभिकरण योजनेच्या लेखाशीर्ष २२१५ ए, १९५ नैसर्गिक आपत्ती २०२३-२३ चे अनुदानाचा समावेश आहे. दुष्काळाच्या पार्श्‍वभूमीवर टँकर, विहीर अधिग्रहण, तात्पुरती पाणीपुरवठा योजना, कूपनलिका यासाठी निधी देण्यात आला आहे.

तालुकानिहाय वितरित निधी (आकडे रुपयांमध्ये दर्शवितात)

बोदवड दोन लाख ५४ हजार

रावेर एक लाख २७ हजार

चोपडा दोन लाख ५० हजार

यावल चाळीस हजार

पारोळा तेरा लाख

भडगाव एकवीस लाख

पाचोरा एकवीस लाख

जामनेर ९५ लाख ५० हजार

भुसावळ सात लाख

मुक्ताईनगर आठ लाख

जळगाव एक लाख

एरंडोल ४६ हजार ८००

धरणगाव एक लाख ७५ हजार