Akola News : स्थानिक डॉ. पंजाबराव देशमुख कृषी विद्यापीठाअंतर्गत उद्योजकता विकास फोरमचे सदस्य कृषी पदवीधर प्रवीण वानखडे यांच्या प्रयत्नातून तथा युनिव्हर्स एक्सपोर्टचे माध्यमातून विदर्भातून कृषी विद्यापीठाच्या शेतकरी शास्त्रज्ञ मंचाचे सदस्य शेतकरी

तथा विद्यापीठाच्या पशुसंवर्धन व दुग्धशास्त्र विभागात उत्पादित उच्चप्रतीच्या गांडूळ खत निर्यात करण्यास सुरुवात झाली आहे.

विदर्भातून अशा प्रकारे गांडूळ खत निर्यातीचा हा पहिलाच प्रयत्न आहे. या निर्यातीचे पहिले कंटेनर रवाना झाले. यावेळी कुलगुरू डाॅ. शरद गडाख, जिल्हाधिकारी अजित कुंभार, विद्यापीठ शिक्षण विस्तार संचालक डाॅ. धनराज उंदिरवाडे यांच्यासह विविध विभागप्रमुख उपस्थित होते.

कृषी विद्यापीठाच्या पशुसंवर्धन व दुग्धशास्त्र विभागात उत्पादित उच्चप्रतीच्या गांडूळ खत निर्यात झाले. याप्रसंगी पहिल्या कंटेनरला हिरवी झेंडी दाखवण्यात आली.

जिल्हाधिकारी अजित कुंभार यांनी समूह गटांचे महत्त्व सांगितले. सूत्रसंचालन जनसंपर्क अधिकारी डॉ. किशोर बिडवे यांनी केले तर प्रा.डॉ. शिवाजी नागपुरे यांनी आभार मानले.