Mumbai News : पावसाळ्यात साथीचे आजार बळावत असतात. त्यामुळे नागरिकांचे आरोग्य धोक्यात येते. वसई-विरार महापालिकेच्या आरोग्य विभागाने याबाबत जनजागृती मोहिमेला गती दिली असून, ठिकठिकाणी तपासणी, निदान व उपचार अशी तीव्र मोहीम हाती घेतली आहे. यासाठी पथकही तयार केले आहेत. हे मिशन नागरिकांच्या आरोग्याच्या सुरक्षिततेच्या दृष्टीने तैनात झाले आहे.

वसई-विरार महापालिकेचे दोन रुग्णालये, २१ नागरी प्राथमिक केंद्रे; तसेच माता-बाल संगोपन केंद्र सेवेसाठी उपलब्ध आहेत. याचबरोबर आपला दवाखान्यातही तपासणी केली जाते. पावसाळ्यात ठिकठिकाणी पाण्याचा निचरा न झाल्यास अस्वच्छता, घाण, दुर्गंधी पसरत असते. डबक्यात डासांची पैदास तसेच माशांची उत्पत्ती होत असते. त्यामुळे हिवताप, अतिसार, डेंगी, मलेरिया, सर्दी, डोके दुखणे यांसारखे साथीचे आजार डोके वर काढण्याची शक्यता असते. आजार झाल्यास रुग्णसंख्या वाढते.

पालिकेकडून घेण्यात येत असलेली सतर्कता

हिवताप, डेंगी, मलेरिया आजाराबाबत प्रतिबंधक व उपचाराबाबत मार्गदर्शन.

पावसाळापूर्व प्रतिबंधात्मक कार्यवाही.

दैनंदिन धूर व औषध फवारणी.

आशा व आरोग्य कर्मचारी घरोघरी जलद ताप तपासणी

डास उत्पत्ती होऊ नये

म्हणून सर्वेक्षण.

आरोग्य शिक्षण.

गप्पी मासे पाळण्याचे आवाहन

बांधकाम ठिकाणी

कर्मचाऱ्यांची यादी.

खासगी रुग्णालये, दवाखाने, प्रयोगशाळा केंद्राकडून रुग्ण माहिती संकलन.