Parbhani News : परभणी व हिंगोली जिल्ह्यांतील गेल्या तीन, चार दिवसांपासून अनेक मंडलांत रिमझिम पाऊस सुरू असल्याने खरीप पिकांतील आंतरमशागती तसेच फवारणीच्या कामांचा खोळंबा झाला आहे. तणांची वाढ झाल्याने शेतकऱ्यांच्या अडचणी वाढल्या आहेत. दरम्यान, या दोन जिल्ह्यांतील ८१ मंडलांमध्ये रविवारी (ता. २१) सकाळी १० पर्यंतच्या २४ तासांमध्ये हलका ते मध्यम पाऊस झाला.

या दोन जिल्ह्यांत मागील आठवड्यापासून सुरू असलेला हलका ते मध्यम पाऊस जमिनीतील ओलावा तसेच पिकांच्या वाढीसाठी पोषक आहे. परंतु अनेक मंडलांत अद्याप मोठा पाऊस नसल्यामुळे नाले, ओढे, नद्यांना मोठे पूर लोटले नाहीत. विहीर, कूपनलिकांतील पाणी अजून तळालाच आहे.

परभणी जिल्ह्यातील ५१ मंडलांमध्ये हलका ते मध्यम पाऊस झाला. जिल्ह्यात गेल्या २४ तासांमध्ये सरासरी ७.९ मिमी, जुलै महिन्यात सरासरी १५८.४ मिमी, यंदा १ जूनपासून आजवर एकूण सरासरी ३२८.८ मिमी पाऊस झाला. हिंगोली जिल्ह्यातील ३० मंडलामध्ये हलका ते मध्यम पाऊस झाला. जिल्ह्यात गेल्या २४ तासांमध्ये सरासरी ८.८ मिमी, जुलै महिन्यात सरासरी १८४.४ मिमी, यंदा १ जूनपासून आजवर एकूण सरासरी ३३३.५ मिमी पाऊस झाला.

मंडलनिहाय पाऊस (५ मिमीच्या पुढे)

परभणी जिल्हा : परभणी ८.८, पेडगाव १०.८, जांब १०.५, झरी १०, सिंगणापूर ५.८, दैठणा ११.३, पिंगळी १२.३, परभणी ग्रामीण २०.८, टाकळी कुंभकर्ण ८, बोरी १०, आडगाव ६.५, वाघी धानोरा ६.३, दूधगाव ९.३, देऊळगाव ५.५, वालूर ६, मानवत ६.३, केकरजवळा ७.५, कोल्हा १२.८, ताडबोरगाव १४.५, रामपुरी १०.५, पाथरी ७.३, सोनपेठ ५.८, शेळगाव ५.८, वडगाव ७.३, गंगाखेड ८.८, माखणी ५.८, राणीसावरगाव ८, पिंपळदरी ११.३, पालम ९.५, चाटोरी ५.५, बनवस ७.८, पेठशिणी ७.८, रावराजूर ७.५, पूर्णा १२.८, ताडकळस १३.५, लिमला ९.८, कात्नेश्वर २०.८, चुडावा ८.५, कावलगाव ८.३.

हिंगोली जिल्हा : हिंगोली ७.३, नरसी ५.३, सिरसम ७.३, बासंबा ७.३, दिग्रस कऱ्हाळे ९.८, माळहिवरा ७.३, खंबाळा ७.३, कळमनुरी ६.५, वाकोडी ८.८, नांदापूर ८.३, आखाडा बाळापूर ८.५, डोंगरकडा १६.५, वारंगा १६.८, वसमत ११.८, आंबा १२.५, हयातनगर ११.८, गिरगाव१५.८, हट्टा ११.५, टेंभुर्णी ९.८, कुरुंदा १३, औंढा नागनाथ ११.५, येळेगाव ११.३, साळणा ८, जवळा बाजार ८.५.