Chandrapur News : पूर्व विदर्भातील अनेक जिल्ह्यात मॉन्सूनच्या पावसाने वार्षिक सरासरी गाठली आहे. हेच शेतात पाणी साचून राहिल्याने मुळकुजचा प्रादुर्भाव होत पिके पिवळे पडली. वरोरा तालुक्‍यात बेडवर लागवड ४० हजार हेक्‍टरवरील पिकांवर याचा कोणताच परिणाम झाला नाही. त्यामुळे दुर्गम जिल्ह्यातील बीबीएफ तसेच बेडवर पीक लागवडीचा हा पॅटर्न चर्चेचा विषय ठरला आहे.

दरवर्षी मॉन्सुनकाळात अनियमित आणि खंडित पर्जन्यमानाचा सामना शेतकऱ्यांना करावा लागतो. पिके फूल आणि दाणे भरण्याच्या अवस्थेत त्याला पाण्याची गरज राहते. नेमका त्याचवेळी पाऊस येत नाही, अशी परिस्थिती दरवर्षी निर्माण होते. अनेकदा तीन ते चार महिन्याची सरासरी दोन ते अडीच महिन्यातच पाऊस गाठतो.

त्या पार्श्‍वभूमीवर गेल्यावर्षीपासून वरोरा तालुक्‍यात बेडवरील पीक लागवडीला प्रोत्साहन देण्यात आले आहे. त्याकरिता दरवर्षी खरीप हंगामापूर्वी कृषी विभागाच्या माध्यमातून शेतकऱ्यांचे प्रबोधनही केले जाते. विभागीय कृषी सहसंचालक शंकर तोटावार, तालुका कृषी अधिकारी सुशांत लव्हटे यांच्या मार्गदर्शनात मंडळ कृषी अधिकारी विजय काळे यांनी त्यासाठी पुढाकार घेत, गावोगावी जागृतीवर भर दिला.

शेतकऱ्यांनी देखील त्याला सकारात्मक प्रतिसाद दिल्याने या भागातील पीक वाचविण्यात यश आले आहे. वरोरा तालुक्‍यात ३६ हजार हेक्‍टर क्षेत्र असलेल्या कापसापैकी सुमारे २५ हजार हेक्‍टर कापसाची तसेच सोयाबीनखालील क्षेत्र २७ हजार हेक्‍टर असून त्यापैकी सुमारे १५ हजार हेक्‍टरवरील लागवड ही रुंद, सरी वरंब्यावर आहे. साडेतीन बाय एक फूट आकाराचा बेड याकरिता तयार करण्यात आला आहे.

९० दिवसांचा पाऊस पडला ४१ दिवसांत

वरोरा तालुक्‍याचे जून ते ऑगस्ट या कालावधीतील ८१३ मिमि सरासरी पर्जन्यमान आहे. मात्र ४२ दिवसांतच ७८४ मिमि म्हणजे सरासरीच्या ९६.४३ टक्‍के पाऊस पडला आहे.ff