Nashik News : येथील कृषी उत्पन्न बाजार समितीत १९ ते २५ ऑक्टोबरदरम्यान डाळिंबाची आवक ४७१८ क्विंटल झाली. मृदुला वाणास ८५० ते २१ हजार ५०० तर सरासरी १८ हजार ५०० रुपये दर मिळाला. मागील सप्ताहात आवक २,५५६ क्विंटल होती. तर सरासरी १८,००० रुपये दर होता.

सध्या आवकेत वाढ होऊनही मागणी वाढल्याने दरात क्विंटलमागे ५०० रुपयांची सुधारणा दिसून आली. सप्ताहात भाजीपाल्यासह फळांच्या आवकेनुसार दरात चढ उतार झाल्याचे पाहायला मिळाले. वालपापडी-घेवड्याची आवक ७,२८३ क्विंटल झाली.

वालपापडीला प्रतिक्विंटल ४,५०० ते ८,००० असा तर सरासरी दर ५,३०० रुपये राहिला. घेवड्याला प्रतिक्विंटल ३,५०० ते ७,५०० तर सरासरी दर ५,८०० रुपये राहिला. हिरवी मिरचीची आवक २३६ क्विंटल झाली. लवंगी मिरचीला प्रतिक्विंटल ४,५०० ते ७,००० रुपये तर सरासरी दर ५,६०० रुपये मिळाला.

उन्हाळ कांद्याची आवक ५,२२२ क्विंटल झाली. उन्हाळ कांद्याला प्रतिक्विंटल ४,००० ते ५,१५१ तर सरासरी दर ४, ८५० रुपये राहिला. पोळ कांद्याची आवक ७९८ क्विंटल झाली. त्यास प्रतिक्विंटल २,२०० ते ४,२०० तर सरासरी दर ३,७०० रुपये राहिला.

बटाट्याची आवक ९,५४४ क्विंटल झाली. त्यास प्रतिक्विंटल २,३०० ते ३,००० तर सरासरी दर २,७०० रुपये राहिला. लसणाची आवक ७८ क्विंटल झाली. त्यास प्रतिक्विंटल १२ हजार ५०० ते २७ हजार २०० तर सरासरी दर २१,००० रुपये राहिला.

फळभाज्यामध्ये टोमॅटोला ५० ते ३१० तर सरासरी १९०, वांगी ५०० ते ९०० तर सरासरी ६५०, फ्लॉवर १५० ते ३५० सरासरी २५० रुपये असे दर प्रति १४ किलोस मिळाले. तर कोबीला ११० ते २२० तर सरासरी १७० रुपये असे दर प्रति २० किलोस मिळाले.ढोबळी मिरचीला २५० ते ४०० तर सरासरी दर ३०० रुपये असे दर प्रति ९ किलोस मिळाले.

वेलवर्गीय भाजीपाल्यामध्ये भोपळा १५० ते ३५० तर सरासरी २५०, गिलके ४०० ते ६०० तर सरासरी ५००, दोडका ४५ ते ६५० तर सरासरी दर ५५० रुपये असे प्रति १२ किलोस दर मिळाले. फळांमध्ये केळीला ९०० ते १,८०० तर सरासरी दर १,४०० रुपये मिळाला.