Pune News: पंतप्रधान किसान सन्मान निधी योजनेचा २१ व्या हप्त्याची प्रतिक्षा संपली आहे. १९ नोव्हेंबर रोजी पंतप्रधानांच्या हस्ते शेतकऱ्यांच्या बँक खात्यावर पीएम किसान योजनेचा २१ वा हप्ता जमा करण्यात येणार आहे. त्यापूर्वी शेतकऱ्यांनी तातडीने नोंदणी करून घ्यावी, असं आवाहन केंद्रीय कृषी मंत्रालयाने शुक्रवारी (ता.१४) एक्सवर (पूर्वीचे ट्विटर) पोस्ट करून केलं आहे. .पीएम किसान योजनेतून चार महिन्यांनी २००० रुपयांचा हप्ता शेतकऱ्यांच्या बँक खात्यावर जमा केला जातो. म्हणजेच वार्षिक ६ हजार रुपये दिले जातात. यापूर्वी पीएम किसानच्या २० व्या हप्त्याचं २ ऑगस्ट रोजी पंतप्रधान नरेंद्र मोदी यांनी वितरण केले. त्यामुळे २१ व्या हप्त्याची शेतकरी प्रतीक्षा करत होते. बिहार निवडणुकांच्या निकालानंतर पीएम किसानचा हप्ता जमा होण्याची शक्यता वर्तवली जात होती. .PM Kisan Yojana: 'या' शेतकऱ्यांना मिळणार ४ हजार, जाणून घ्या कधी मिळेल 'पीएम किसान'चा २१ हप्ता?.केंद्र सरकार २० हप्त्यापोटी २० हजार ५०० कोटी रुपये ९.७ कोटी शेतकऱ्यांच्या बँक खात्यामध्ये जमा केले आहेत. २०१९ पासून पीएम किसान योजना राबविण्यात येते. शेतकऱ्यांच्या तक्रार निवारणासाठी केंद्र सरकारने किसान ई मित्र चॅटबॉट विकसित केला आहे. .PM Kisan Update: कधी मिळणार पीएम किसानचा २१वा हप्ता....यावर तांत्रिक अडचणीची माहिती मिळते. तसेच हा चॅटबॉट ११ भाषामध्ये असून मराठी, हिंदी, इंग्रजी, तमिळ, मल्याळम, बंगाली, ओड़िया, कन्नड़, गुजराती, पंजाबी आणि तेलगु भाषात आहे. .दुहेरी नाव वगळले जाणार?पीएम किसान योजनेचा घटक शेतकरी कुटुंब आहे. म्हणजेच एका शेतकरी कुटुंबातील एका सदस्याला लाभ घेता येतो. परंतु पीएम किसानमध्ये पती-पत्नी दोन्ही लाभ घेत असल्याचे उघडकीस आले आहे. त्यामुळे केंद्र सरकार पुढील काळात दुहेरी लाभार्थीपैकी एकाचे नाव या योजनेतून वगळण्याची शक्यता आहे. त्यासाठी केंद्र सरकारच्या पातळीवर हालचाली सुरू असल्याची माहिती अधिकारी सूत्रांनी दिली आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
