Bhama Askhed Dam Agrowon
ॲग्रो विशेष

Bhama Askhed Dam : भामा आसखेड धरणात ५४.२५ टक्के पाणीसाठा

Dam Water Level : भामा आसखेड हे खेड तालुक्यातील पश्चिम भागात भामा नदीवर उभारलेले मातीचे धरण आहे.

Team Agrowon

Pune News : खेड, शिरूरसह पुणे शहराच्या पूर्व भागाला वरदान ठरलेल्या भामा आसखेड (ता.खेड) धरणात रविवारी (ता. ६) अखेर ५४.२५ टक्के पाणीसाठा जमा झाला आहे. मागील वर्षीच्या तुलनेत हा पाणीसाठा चार पट असून मागील वर्षी आजच्या तारखेला धरणात १४.३६ टक्के पाणीसाठा शिल्लक होता.

भामा आसखेड हे खेड तालुक्यातील पश्चिम भागात भामा नदीवर उभारलेले मातीचे धरण आहे. धरणाची पाणी साठवण क्षमता ८.१४ टीएमसी इतकी आहे. चालू वर्षी धरण परिसरात १ जून पासून ४४२ मिलिमीटर पावसाची नोंद झाली आहे.

धरणात सध्या एकूण ४.६४ टीएमसी पाणीसाठा असून उपयुक्त पाणीसाठा हा ४.१६ टीएमसी इतका आहे. मागील वर्षी आजच्या तारखेला धरणात १४.३६ टक्के म्हणजे १.१० टीएमसी पाणीसाठा होता.

धरणातून पुणे शहराच्या पूर्व भागासह तीर्थक्षेत्र आळंदीला पाणीपुरवठा केला जात आहे. या धरणातून पुढील काळात पिंपरी-चिंचवड शहराला पाणी पुरवठा सुरू होणार आहे.पिंपरी चिंचवड करिता भामा आसखेड धरणातून २.१४ टीएमसी पाणीसाठा देण्यात येणार आहे.

धरणाच्या बुडीत क्षेत्रात पर्यटनाची अनेक ठिकाणे आहेत.सध्या धरण क्षेत्रात पावसाचे प्रमाण अधिक असल्याने पाणीसाठा झपाट्याने वाढत आहे. तसेच डोंगरांना देखील पाझर फुटल्याने अनेक ठिकाणी धबधबे सुरू झाले आहेत याचा आनंद घेण्यासाठी पर्यटक खेड तालुक्याच्या पश्चिम भागात मोठ्या प्रमाणात येतात. पर्यटकांनी या भागात येताना काळजी घ्यावी असे आवाहन सहाय्यक अभियंता (श्रेणी १) अश्विन पवार, कालवा निरीक्षक वसंत ढोकरे यांनी केले आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Maharashtra Legislative Assembly: कृषिमंत्री कोकाटे यांची पावसाळी अधिवेशनाकडे पाठ

Pune APMC Scam: बाजार समिती संचालकांची ‘ईडी’मार्फत चौकशी करा

Guru Pournima 2025: गुरुपौर्णिमेला गुरुकुंजात गुरुदेवभक्तांची मांदियाळी

Pomegranate Price: डाळिंबाच्या एका क्रेटला साडेसहा हजार रुपये दर

Rahul Gandhi: महाराष्ट्रातील गैरप्रकार बिहारमध्ये चालू देणार नाही

SCROLL FOR NEXT