Akola News : राज्य शासनाने यंदाच्या अर्थ संकल्पात जाहीर केलेल्या नदीजोड प्रकल्पाचा फायदा अकोला‎, बुलडाणा व अमरावती जिल्ह्यातील खारपाणपट्ट्याला होणार आहे.

वैनंगगा-न‌ळगंगा‎ नदीजोड प्रकल्पाचे (Wainanga-Nalganga Interlinking Project) काम सुरू होणार‎ असल्याने अकोला जिल्ह्याला २८२.३४‎ दशलक्ष घनमीटर अतिरिक्त‎ जलसाठा उपलब्ध होणार असून, ८४ हजार ६२५ हेक्टर जमीन‎ सिंचनाखाली येण्यास मदत होईल. ‎

या प्रकल्पामुळे एकीकडे पिण्याचे‎ पाणी तर दुसरीकडे सिंचनासाठी‎ पाणी उपलब्ध होऊ शकेल.‎ खारपाणपट्ट्यातील पाणी समस्या‎ निकाली निघण्यास मदत होणार‎ आहे. हा प्रकल्प पूर्णत्वास येण्यास‎ किती काळ लागेल याची शाश्वती नाही.

मात्र,‎ प्रकल्प पूर्ण झाल्यानंतर शेतकऱ्यांना‎ मोठा दिलासा मिळू शकेल. पूर्व विदर्भात असलेल्या‎ वैनगंगेच्या खोऱ्यात ११७ टीएमसी पाणी आहे.

वैनगंगा‎ प्रकल्पामुळे ५७ टीएमसी पाणी अडवले गेले आहे.‎ उर्वरित ६० टीएमसी पाणी वाहून‎ जाते. हे सर्व लक्षात घेऊनच राष्ट्रीय‎‎‎‎‎‎‎‎‎‎‎‎‎‎‎‎‎ जलविज्ञान प्राधिकरण (हैदराबाद)‎ यांनी २००९ ला सर्वेक्षण केले होते.‎ त्या वेळी या नदीजोड प्रकल्पासाठी ८‎ हजार ३०० कोटी रुपये खर्च अपेक्षित‎ होता.

त्यावेळी सर्वेक्षणाच्या‎ पलिकडे या प्रकल्पाचे काम गेले‎ नाही. मात्र, नागपूर जलविकास‎ प्राधिकरणाने नव्याने सर्वेक्षण करुन‎ प्रकल्प अहवाल सादर केला.‎

वैनगंगा प्रकल्पातून सोडलेले पाणी‎ पारंपरिक कालव्याऐवजी बंद‎ पाईपमधून ४२६ किलोमीटरचा प्रवास‎‎‎‎‎‎‎‎‎‎‎‎‎‎‎‎‎ करून बुलडाणा जिल्ह्यातील नळगंगा‎ नदीत आणले जाणार आहे.‎

नागपूर, वर्धा, अमरावती, अकोला‎ या चार जिल्ह्यांना मुबलक पाणी‎ उपलब्ध होऊ शकेल. तर सर्वाधिक‎ कमी पाणी यवतमाळ जिल्ह्याला‎ मिळणार आहे. प्रत्येक‎ जिल्ह्यासाठी नदी जोड प्रकल्प‎ उपयुक्त ठरणार असला तरी‎ अकोला जिल्ह्यासाठी हा‎ प्रकल्प वरदान ठरणार आहे.

८४ हजार हेक्टर जमीन‎ सिंचनाखाली येणार

या‎ प्रकल्पाअंतर्गत‎ ७५० मेगावॅट सौरऊर्जा निर्मितीही‎ प्रस्तावित आहे. अकोला‎ जिल्ह्यात निम्न काटेपूर्णा,‎ येळवण, सिसा उदेगाव, चिखलगाव‎ या ठिकाणी जल प्रकल्प बांधण्यात‎ येणार असून काटेपूर्णा प्रकल्पात‎ पुनर्भरण केले जाणार आहे.

यामुळे‎ जिल्ह्यात २८२.३४ दशलक्ष घनमीटर‎ अतिरिक्त जलसाठा उपलब्ध होणार‎ असून, ८४ हजार ६२५ हेक्टर जमीन‎ सिंचनाखाली येणार आहे.‎