Nashik News : जिल्ह्यात शुक्रवारी (ता. २४) सायंकाळी आलेल्या वादळी वाऱ्यासह मुसळधार पावसामुळे परिसरातील शेतकऱ्यांचे मोठे नुकसान झाले आहे. प्रामुख्याने मालेगाव, बागलाण, कळवण, नांदगाव, सुरगाणा, नाशिक, निफाड, सिन्नर, येवला, चांदवड, देवळा तालुक्यात पावसाने जोरदार हजेरी लावली. .अनेक ठिकाणी सोयाबीन, मका पिकांची कापणी होऊन पिके शिवारात पडली होती. मात्र अचानक आलेल्या पावसामुळे काढणीसाठी आलेला मका, मक्याचा चारा, कणसे व सोयाबीन ही पिके पाण्यात भिजून खराब झाली आहेत. त्यामुळे दिवाळीच्या सणासुदीला संकटाचे कायम असल्याचे चित्र पाहायला मिळाले..Crop Damage: शेतात पाणी साचून राहिल्याने तूर पिकाचे मोठे नुकसान.शुक्रवारी (ता. २४) वादळी वाऱ्यासह पावसाने हजेरी लावल्याने शेतकऱ्यांना फटका बसला आहे. खरीप हंगामातील मका, सोयाबीन यंदा लेट खरीप व उन्हाळ कांदा रोपांचे नुकसान आहे. जिल्ह्यात मध्यम ते जोरदार पावसामुळे अनेक ठिकाणी पाणी शेतात साचले होते..काही शेतांमध्ये कापणी झालेली मक्याची कणसे पाण्यावर तरंगताना दिसली. काही शेतकऱ्यांनी कांदा रोपवाटिका तयार केल्या होत्या. त्यात पाणी साचल्याने नुकसान वाढणार आहे. काही ठिकाणी रोपांच्या उगवण क्षमतेवर परिणाम होण्याची शक्यता आहे. पावसाने हजेरी लावल्याने कापणी झालेला मका व सोयाबीन काही ठिकाणी काळवंडला आहे..Crop Damage : कापूस, तुरीवर आता शेतकऱ्यांची भिस्त .नुकसान वाढत असल्या शेतकरी हवालदिल आहे. शिवारातून काढणी केलेली पिके फळ्यावर आणून मजुरांना अधिक पैसे द्यावे लागत आहे. तर काही ठिकाणी कापणीला सुद्धा परवडत नसल्याचे शेतकऱ्यांनी सांगितले. .अनेक ठिकाणी भाजीपाला लागवडीचे नुकसान आहे. सर्वाधिक नुकसान कांद्याच्या रोपांचे समोर आले आहे. या पावसामुळे सर्वात जास्त नुकसान लाल कांदा व उन्हाळ कांदारोपांचे झाल्याने शेतकऱ्यांच्या हंगामी कामकाजावर परिणाम होणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
