Nanded News : नांदेड प्रादेशिक सहसंचालक (साखर) कार्यालयांतर्गत नांदेड विभागात २९ साखर कारखाने सुरू झाले आहेत. या कारखान्यांनी सोमवारअखेर (ता. १) ५० लाख २२ हजार २८४ टन उसाचे गाळप केले आहे. तर ४४ लाख ७२ हजार ६९५ क्विंटल साखरचे उत्पादन केल्याची माहिती साखर सहसंचालक सचिन रावल दिली.

नांदेड प्रादेशिक सहसंचालक (साखर) विभागातील नांदेडसह परभणी, हिंगोली व लातूर या चार जिल्ह्यांतून गाळप हंगाम २०२३-२४ साठी ३० कारखान्यांनी ऑनलाइन अर्ज केले होते. यातील आजपर्यंत २९ कारखान्यांना गाळप परवाना मिळाला आहे. यातील सर्वच २९ कारखान्यांनी गाळप हंगाम सुरू केला आहे.

यात १९ खासगी, तर १० सहकारी साखर कारखान्यांचा समावेश आहे. सोमवारअखेर (ता. एक) या कारखान्यांनी ५० लाख २२ हजार २८४ टन उसाचे गाळप केले आहे. तर ४४ लाख ७२ हजार ६९५ क्विंटल साखरचे उत्पादन केल्याची माहिती साखर सहसंचालक सचिन रावल दिली.

साखरेचा सरासरी उतारा ८.६१ टक्के नांदेड विभागात सर्वाधिक ११ साखर कारखाने लातूर जिल्ह्यात सुरू झाले आहेत. यात पाच खासगी तर सहा सहकारी साखर कारखान्यांचा समावेश आहे. यानंतर परभणी जिल्ह्यात सात कारखाने सुरू झाले आहेत.

हे सर्वच कारखाने खासगी आहे नांदेड जिल्ह्यात सहा कारखान्यांनी गाळप सुरू केले आहे. यात पाच खासगी तर एक सहकारी साखर काखान्याचा समावेश आहे. हिंगोली जिल्ह्यात दोन खासगी तर तीन सहकारी साखर कारखान्यांनी गाळप सुरू केले आहे.

कारखानिहाय ऊस गाळप व साखर उत्पादन

(गाळप टनात साखर उत्पादन क्विंटलमध्ये)

जिल्हा कारखाने ऊस गाळप साखर उत्पादन

नांदेड ६ ०८,५७,०९५ ०७,५६,७१५

लातूर ११ १९,७२,२८४ १८,३८,६४५

परभणी ७ १५,६८,०८० १३,६२,३८५

हिंगोली ५ ०६,२४,८२४ ०५,१४,९५०

एकूण २९ ५०,२२,२८४ ४४,७२,६९५

विभागाचा सरासरी उतारा : ८.६१