Beed News : जिल्ह्यातील लघु प्रकल्पांपैकी ३६ प्रकल्पातील पाणीसाठा जोत्याखाली गेला आहे. तर ६ प्रकल्प कोरडे पडले असल्याची माहिती जलसंपदा विभागाच्यावतीने देण्यात आली. माहितीनुसार, सिंचनासाठी पाण्याची गरज वाढत चालली आहे.

यांशिवाय उन्हाची तीव्रता वाढत चालल्याने बाष्पभवनामुळेही पाणी कमी होते आहे. झपाट्याने कमी होत असलेला पाणीसाठा चिंता वाढवितो आहे.कृष्णा खोऱ्यातील चार तर गोदावरी खोऱ्यातील दोन लघु प्रकल्प कोरडे पडले आहेत.

जोत्याखाली गेलेला लघू प्रकल्पातील साठा

खोकरमोह, नारायणगड, अवरगाव, मुळेगाव, शिंदेवाडी, जानेगाव, जाधव जवळा, नाहोली, मस्साजोग, होळ, कासारी, कातकरवाडी, खराबवाडी, हिवरसिंगा, फुलसावंगी, धनगर जवळका, पाचंग्री, दासखेड, मुंगेवाडी, इंचरणा, वसंतवाडी, धामणगाव, सातेफळ, बेलोरा, जुजगव्हान, भुरेवाडी, खुंटेफळ, निळकंठेश्वर, खोडवा सावरगाव, मातकुळी, पारगाव जो. नं.१, पारगाव जो. नं.२, जळगाव, कारंजा, गुटेवाडी, लिंबाचीवाडी.

कोरडे पडलेले लघू प्रकल्प

पिंपरी घुमरी, कोयाळ,लोणी, पिंपळा, सज्जतपूर, नागतळवाडी