Ragi Crop Kolhapur agrowon
ॲग्रो विशेष

Ragi Crop Kolhapur : राधानगरीत १ हजार ७०० हेक्टरवर नाचणीची लागवड

Radhanagari Ragi Crop : राधानगरी तालुक्यात शेतकरीवर्ग खरीप पिकांमध्ये प्रामुख्याने भुईमूग आणि नाचणी या पिकांकडे लक्ष देतो.

sandeep Shirguppe

Kolhapur Ragi Cultivation : राधानगरी तालुक्यात १ हजार ७०० हेक्टरवर नाचणीची लागवड पूर्ण होत आली आहे. यंदा चांगला पाऊस झाल्याने नाचणीच्या मांडणीची धांदल वेळेत आटोक्यात आली आहे. तालुक्यात शेतकरीवर्ग खरीप पिकांमध्ये प्रामुख्याने भुईमूग आणि नाचणी या पिकांकडे लक्ष देतो. बागायती ऊस आणि भात पिकांनंतर पावसाळी पिकांकडे जाणीवपूर्वक लक्ष देऊन त्याचे उत्पन्न घेतले जाते.

नाचणीला पौष्टिकच नव्हे, तर सकस आहार म्हणून मान्यता मिळालेली आहे. शक्तिवर्धक आणि अनेक सूक्ष्म अन्नद्रव्यांनी युक्त असे हे पीक असल्याने अलीकडे याच्या मागणीत मोठ्या प्रमाणात वाढ झाली आहे.

‘शक्तीचा खाऊ’ म्हणून अंगणवाडीत मुलांना नाचणीचा लाडू दिला जातो. याशिवाय नाचणीचे पापड, नाचणीच्या कुरवड्या हा ट्रेंड आता घराघरांत पोहोचला आहे. पूर्वीपासूनच ग्रामीण भागामध्ये नाचणीच्या भाकरी आणि आंबिलीला विशेष महत्त्व होते.

मोठ्या प्रमाणात कॅल्शियम असलेल्या या धान्याची डोंगरभागातील शेतकऱ्यांना फार मोठी गरज असते म्हणून हे पारंपरिक पीक आजही तितक्याच काळजीने जोपासले आहे. यामध्ये विशेष वेगळे असे वाण नाही. तालुक्यात परंपरागत चालत आलेले तांबडे आणि पांढरे नाचणे एवढ्याच काय त्या नाचणीच्या जाती माहिती आहेत.

सेंद्रिय खतावर येणारे पीक

यंदा डोंगर माथ्यावरील आणि उतारावरील शेतांमध्ये १७०० हेक्टरवर नाचणीची लागवड झाली आहे. रोपवाटिकेतून रोपे आणून त्यांची छोट्या सरीवर फक्त मांडणी करून लागवड केली जाते. उघड्यावर मांडलेल्या या रोपांना मुळे फुटतात आणि पीक जोमाने येते. शंभर टक्के नैसर्गिक आणि सेंद्रिय खतावर येणारे हे पीक म्हणूनही याचा बोलबाला आहे. कृषी विभागाकडून याकडे विशेष लक्ष देऊन शेतकऱ्यांना मार्गदर्शन केले जाते.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT