Kisan Rin Portal Launch : केंद्रीय वित्तमंत्री निर्मला सीतारामन आणि केंद्रीय कृषिमंत्री नरेंद्रसिंह तोमर यांच्या हस्ते किसान ऋण पोर्टलचे लाँचींग करण्यात आले. अनेक सरकारी विभागांच्या सहकार्यातून हे पोर्टल विकसित करण्यात आले असून किसान क्रेडिट कार्डच्या (केसीसी) अंतर्गत येणाऱ्या सेवा या पोर्टलद्वारे शेतकऱ्यांपर्यंत पोहोचवण्यात येणार आहेत.

या डिजिटल प्लॅटफॉर्मवर शेतकऱ्यांचा डेटा, कर्ज वाटपाची माहिती, व्याज सवलत आणि योजना याबाबतची सर्व माहिती उपलब्द असणार आहे.

नेमकी योजना काय?

KCC कर्ज खातेधारकांशी संबंधित माहिती आता किसान कर्ज पोर्टलवर सर्वसमावेशक स्वरूपात उपलब्ध होणार आहे. ही सुविधा पूर्वी नव्हती. यासोबतच सर्व KCC खातेधारकांची पडताळणी आधारद्वारे केली जाईल. यामुळे पात्र शेतकऱ्यांना कर्जमाफी मिळण्यास मदत होणार आहे.

या पोर्टलद्वारे व्याज सवलतीचे दावे थेट लाभार्थीपर्यंत पोहोचवण्याची योजना आहे. त्याचबरोबर, या पोर्टलद्वारे योजनेचे लाभार्थी आणि थकबाकीदार शेतकऱ्यांचे मूल्यमापन सरकारला करता येणार आहे. यासोबतच ‘घर घर केसीसी अभियान’ सुरू करण्यात आले आहे.

भारतातील सर्व शेतकऱ्यांना किसान क्रेडिट कार्ड (KCC) योजनेचा लाभ देण्यासाठी ही एक महत्त्वाकांक्षी मोहीम असल्याची माहिती देण्यात आली. या मोहिमेचा उद्देश प्रत्येक शेतकऱ्याला कर्ज सुविधांचा अविरत प्रवेश मिळावा जेणेकरून त्यांची शेतीची कामे सुरळीतपणे पार पाडता येणार आहेत.

३० मार्च २०२३ पर्यंत सुमारे ७.३५ कोटी लोकांनी KCC खाती आहेत, ज्यांची एकूण मंजूर रक्कम ८.८५ लाख कोटी रुपये आहे. सरकारी आकडेवारीनुसार, चालू आर्थिक वर्षात एप्रिल-ऑगस्ट दरम्यान सवलतीच्या व्याजदरावर ६५७३.५० कोटी रुपयांचे कृषी-कर्ज वितरित केले आहे.

शेतकऱ्यांचा डेटा, कर्ज वितरण, व्याज साह्य आणि अन्य माहिती पोर्टलवर उपलब्ध असेल. केसीसी कर्जधारकांशी संबंधित माहिती किसान ऋण पोर्टलवर उपलब्ध होईल. सर्व केसीसीधारकांची पडताळणी आधारच्या माध्यमातून केली जाईल. त्यातून पात्र शेतकऱ्यांना कर्ज सुविधा उपलब्ध करून देण्यात मदत होईल. या पोर्टलच्या माध्यमातून लाभधारकांच्या थेट खात्यात सवलत उपलब्ध होणार आहे.