Ashadhi Wari 2023 :  Agrowon
ताज्या बातम्या

Ashadhi Wari 2023 : आषाढीसाठी पंढरपुरात वारकऱ्यांचा महामेळा

Ashadhi Wari : टाळ-मृदंगाचा गजर आणि हरिनामाच्या जयघोषाने अवघी पंढरी दुमदुमून गेली. चंद्रभागेतील स्नान आणि नगर प्रदक्षिणेसाठी वारकऱ्यांची दिवसभर रेलचेल राहिली.

Team Agrowon

Pandharpur Wari : ॲग्रोवन वृत्तसेवा पंढरपूर, जि. सोलापूर ः ‘पंढरीचा वास, चंद्रभागे स्नान आणिक दर्शन विठोबाचे’ हा भाव मनात ठेवत आषाढी यात्रेच्या सोहळ्यात सहभागासाठी राज्याच्या कानाकोपऱ्यातून सुमारे सात लाखांहून अधिक वारकरी गुरुवारी (ता.२९) पंढरपुरात दाखल झाले.

टाळ-मृदंगाचा गजर आणि हरिनामाच्या जयघोषाने अवघी पंढरी दुमदुमून गेली. चंद्रभागेतील स्नान आणि नगर प्रदक्षिणेसाठी वारकऱ्यांची दिवसभर रेलचेल राहिली.

आषाढीच्या मुहूर्तावर चंद्रभागेतील स्नानाचा पर्वकाळ साधण्यासाठी वारकऱ्यांची धावपळ सुरु होती.

हा सोहळा ‘याची देहि याची डोळा’ अनुभवण्यासाठी महाराष्ट्राच्या कानाकोपऱ्यांसह शेजारील तेलंगणा, आंध्रप्रदेश आणि कर्नाटकमधूनही वारकरी पंढरीत दाखल झाले आहेत.

शहरातील विविध मंदिरे, मठ, धर्मशाळा आणि वारकऱ्यांच्या राहुट्यांमध्ये कीर्तने, प्रवचने आणि भजने सुरु आहेत.

विठ्ठल मंदिर परिसर, प्रदक्षिणामार्ग, ६५ एकर, चंद्रभागा वाळवंट, गोपाळपूर रस्त्यावरील पत्राशेड, भक्तिमार्ग, कैकाडी महाराज मठ, तनपुरे महाराज मठ, रेल्वेस्टेशन परिसरात वारकऱ्यांची सर्वाधिक गर्दी आहे.

ज्ञानोबा-तुकारामाचा जयघोष आणि टाळ-मृदंगाच्या गजराने प्रदक्षिणा मार्गासह चंद्रभागा तीराकडे निघालेल्या दिंड्या आणि वारकऱ्यांच्या भजनांमुळे एक वेगळे चैतन्य आणि उत्साह वारीमध्ये दिसतो आहे.


ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT