Crop Damage Agrowon
ताज्या बातम्या

Unseasonal Rain : पुणे जिल्ह्यातील पाच तालुक्यांत अवकाळी पावसाची हजेरी

गेले तीन-चार दिवसांत प्रचंड उकाडा वाढला होता. मात्र गुरुवारी (ता. १३) सायंकाळी हवेली, मुळशी, भोर, पुरंदर, दौंड तालुक्यांत काही ठिकाणी अवकाळी पावसाने अचानक हजेरी लावली.

Team Agrowon

Pune News गेले तीन-चार दिवसांत प्रचंड उकाडा वाढला होता. मात्र गुरुवारी (ता. १३) सायंकाळी हवेली, मुळशी, भोर, पुरंदर, दौंड तालुक्यांत काही ठिकाणी अवकाळी पावसाने (Unseasonal Rain) अचानक हजेरी लावली.

जोरदार विजांचा कडकडाटासह अर्धा तास जोरदार पाऊस कोसळला. आकाशात काळ्याकुट्ट ढगांनी गर्दी करीत अवकाळी पावसाने हजेरी लावली. या पावसामुळे ज्वारी, बाजरी, कांदा पीक आणि कडधान्य या उभ्या पिकाचे नुकसान (Crop Damage) झाले आहे.

मागील काही दिवसांपासून वातावरणात अचानक बदल होत असून, उन्हाच्या छळा तीव्र झाल्या आहेत. तसेच दिवसभर उन्हाचा चटका, पहाटे थंडी असे वातावरण निर्माण होत होते. दरम्यान गुरुवारी सायंकाळी ४ नंतर वातावरणात अचानक बदल होऊन, आकाशात ढग दाटून आले होते.

सायंकाळी ७.४५ दरम्यान, अवकाळी पावसांच्या हलक्या ते मध्यम स्वरूपांच्या सरी कोसळल्याने वाल्हे व परिसरातील शेतकरीवर्ग अचानक पडलेल्या या अवकाळी पावसाने बळीराजाची चिंता वाढली आहे.

अचानक आलेल्या पावसामुळे शेतकऱ्यांची तारांबळ उडाली. पुणे शहर व उपनगर कोथरूड, बावधन, पाषाण, पौंड रोड, गोखले नगर, सेनापती बापट या भागात झाडपडीच्या घटना घडल्या. तर काही ठिकाणी वीज खंडित झाली होती. खराडी, वाघोली, केसनंद या भागांतही हलक्या सरी पडल्या.

भोर तालुक्यातील नसरापूर, कापूरहोळ, कामथडी, कासुर्डी, सारोळा परिसरांत ज्वारी आणि कांदा काढण्याची कामे प्रगतिपथावर होती. कांद्याची ढिगारे या पावसामुळे भिजून गेले.

जोरदार वाऱ्यामुळे काही ठिकाणी विजेचे खांब कोलमडले तर काही ठिकाणी विजेच्या तारा तुटल्याने वीजपुरवठा काही काळ खंडित झाला होता. वीज कामगार पावसातही वीज पुरवठा सुरळीत करण्यासाठी प्रयत्न करत होते.

पुरंदरमधील वाल्हे परिसरातील, दौंडज, पिसुर्टी, वागदरवाडी, आडाचीवाडी, सुकलवाडी, जेऊर, हरणी, पिंगोरी, कामठवाडी आदी परिसरात अवकाळीच्या सरी कोसळल्या. या अवकाळी पावसाने शेतकऱ्यांच्या हातातोंडाशी आलेला घास हिरावून घेतला जाईल.

तसेच शेतातील उभ्या पिकांना फटकाही बसून, उत्पादनात घट होण्याची शक्यता आहे. या अवकाळीमुळे कांदा, तसेच काही प्रमाणात काढणीचा राहिलेले गहू, ज्वारी, हरभरा, मका आदी पिकांवर परिणाम होणार आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT