औरंगाबाद : जिल्ह्याला ऐतिहासिक वारसा (Historical Legacy) लाभलेला आहे. दरवर्षी या पर्यटनस्थळांना (Tourist Destination) भेट देणाऱ्या पर्यटकांची (Tourist) संख्या देखील मोठी आहे. अशा ऐतिहासिक वारशांची माहिती नागरिकांना द्यावी तसेच पर्यटकांची संख्या आणखी कशी वाढेल यासाठी सर्व यंत्रणांनी प्रयत्न करण्याचे निर्देश विभागीय आयुक्त सुनील केंद्रेकर (Sunil Kendrekar) यांनी दिले.

विभागीय आयुक्त सुनील केंद्रेकर यांनी जिल्ह्यातील सर्व विभाग प्रमुखांचा आढावा जिल्हाधिकारी कार्यालयात मंगळवारी (ता. १८) घेतला, यावेळी ते बोलत होते. यावेळी जिल्हाधिकारी अस्तिककुमार पांडेय, मुख्य कार्यकारी अधिकारी विकास मीना, उपायुक्त पराग सोमण, पांडुरंग कुलकर्णी, उपायुक्त श्रीमती वीणा सुपेकर, समीक्षा चंद्राकार, श्रीमती ॲलेस यावेळी बैठकीच्या सुरुवातीला जिल्हाधिकारी अस्तिककुमार पांडेय यांनी सादरीकरणाव्दारे सर्व विभागांच्या कामाची माहिती आयुक्तांना दिली.

आयुक्त म्हणाले, की वृक्षारोपण ही काळाची गरज आहे. सर्व यंत्रणांनी दिलेल्या उदिष्टांपेक्षा जास्त वृक्ष लागवड करावी, जनतेसाठी असणाऱ्या योजनांची विस्तृत दृष्टिकोन ठेवून अंमलबजावणी करावी, ‘लम्पी स्कीन’ बाबत शासनाने दिलेल्या निर्देशानुसार काम करावे, फेरफार प्रलंबित प्रकरणे तत्काळ निकाली काढा, ई-पीक पाहणी महत्त्वाचा उपक्रम असल्याने माहिती संकलित करताना योग्य ती खबरदारी घ्यावी.