POCRA Agrowon
ताज्या बातम्या

POCRA : ‘पोकरा’तील अवजारे बँक, वाहन वितरण चौकशीचा फार्स

ज्यांनी वितरण केले, तेच करणार चौकशी

Team Agrowon

अकोला ः नानाजी देशमुख कृषी संजीवनी प्रकल्पांतर्गत (Nanaji Deshmukh Krishi Sanjeevani Project) शेतकरी गट, कंपन्यांना वितरित केलेल्या अवजारे बँक, मालवाहतूक वाहन घटकांची तपासणी करण्याचे निर्देश जिल्ह्यातील तालुका कृषी अधिकाऱ्यांना देण्यात आले आहेत.

मात्र हा केवळ चौकशीचा फार्स तर नाही ना, अशी शंका उपस्थित होत आहेत.

जिल्ह्यात पोकरा प्रकल्पातून वितरित झालेल्या अवजारे बँक, मालवाहतूक वाहन या घटकांच्या चौकशीची शिफारस गेल्या काळात चौकशीसाठी नेमलेल्या तोटावार समितीने केल्याची माहिती आहे.

जिल्ह्यातील विविध तक्रारींची चौकशी करण्यासाठी विभागीय कृषी सहसंचालकांनीच वाशीम जिल्हा अधीक्षक कृषी अधिकारी शंकर तोटावार व इतर तिघांची समिती गठित केली होती. या समितीने चौकशी करून आपला अहवाल सहसंचालक कार्यालयास दिला आहे.

समितीला चौकशीच्यावेळी अवजारे बँक, वाहनवाटपात संशय आलेला आहे. त्यामुळे अकोला जिल्ह्यात एकाचवेळी चौकशी करण्याची शिफारस करण्यात आल्याची माहिती एका वरिष्ठ अधिकाऱ्याने दिली.

हा अहवाल सादर होऊन बरेच दिवस झालेले आहेत. मात्र त्यानंतर कुठलीही कारवाई झालेली नसल्याचे वृत्त ‘ॲग्रोवन’ने प्रकाशित केले होते.

त्यानंतर जिल्ह्यातील यंत्रणांनी आता तालुका कृषी अधिकाऱ्यांना अवजारे बँक, मालवाहतूक वाहन घटकांची तपासणी करून अहवाल सादर करण्याबाबत निर्देश दिले.

या चौकशीबाबत कृषी विभागातील एका वरिष्ठ अधिकाऱ्याने प्रश्‍न 

कार्यक्षेत्राबाहेरील अधिकाऱ्यांकडून चौकशी का नाही?
ज्यांच्या कार्यक्षेत्रात अशा अवजारे बँका, वाहने दिली गेली त्याच तालुक्यातील अधिकाऱ्यांऐवजी दुसऱ्या जिल्ह्यातील पथकाने चौकशी केली असती, तर तथ्ये बाहेर येण्याची अधिक शक्यता वाढली असती.

पण तसे झालेले नाही. या चौकशीबाबत दिलेल्या आदेशात अवजारे बँक, वाहन दिलेल्या गट, शेतकरी कंपनीकडील संबंधित घटकांची माहिती प्रपत्रात मागवण्यात आली आहे. 

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT