Weather Update Agrowon
ताज्या बातम्या

Weather Update : राज्यात काही भागांत पावसाचा अंदाज

राज्यात अनेक ठिकाणी हलका पाऊस होत आहे. आज काही मंडळांमध्ये मध्यम सरी पडल्या. मात्र पावसाचा जोर बहुतेक ठिकाणी कमीच होता.

टीम ॲग्रोवन

पुणेः राज्यात अनेक ठिकाणी हलका पाऊस (Rainfall) होत आहे. आज काही मंडळांमध्ये मध्यम सरी पडल्या. मात्र पावसाचा जोर (Rain Intensity) बहुतेक ठिकाणी कमीच होता. आज माॅन्सूनने परतीचा प्रवास (Monsoon Return Journey) केला नाही. तर हवामान विभागानं (Weather Department) उद्या सकाळपर्यंत कोकण आणि मराठवाड्यातील काही मंडळांमध्ये जोरदार पावसाचा अंदाज (Heavy Rain Forecast) व्यक्त केलाय.

आठवडाभरापेक्षा अधिक काळापासून रखडलेला माॅन्सूनचा परतीचा प्रवास गुरुवारी सुरु झाला. संपूर्ण पंजाब, दिल्ली, चंडीगडसह वायव्य भारतातील बहुतांशी भागातून गुरुवारी मॉन्सून परतला. मात्र आज माॅन्सूनने पुन्हा मुक्काम केला. माॅन्सूनची सिमा जम्मू, उना, चंदीगड, कर्नाल, बागपत, दिल्ली, अल्वर, जोधपूर आणि नालीया या भागात कायम आहे.

आज कोकणात पावसाची उघडीप होती. काही ठिकाणी पावसाचा शिडकावा झाला. मात्र मोठ्या पावसाची नोंद झाली नाही. मध्य महाराष्ट्रात काही ठिकाणी जोरदार सरी पडल्या. नाशिक जिल्ह्यातील इगतपुरी येथे पाऊस झाला. तर सुरगना आणि पेठ मंडळांमध्ये मध्यम ते हलक्या सरी पडल्या. धुळे जिल्ह्यातील शिरपूर आणि जळगाव जिल्ह्यातील मुक्ताईनगर मंडळात पावसाने हजेरी लावली.

सातारा जिल्ह्यातील खंडाळा येथे पाऊस झाला. तर नगर जिल्ह्यातील राहूरी, शेवगाव, चास, नेवासा आणि जामखडे मंडळांमध्ये हलक्या पावसाने हजेरी लावली. पुणे जिल्ह्यातील लोणावळा आणि वेल्हे येथे पाऊस झाला. पुणे शहर आणि परिसरातही काही काळा जोरदार सरी कोसळल्या.

मराठवाड्यातही ठिकठिकाणी पावसानं हजेरी लावली. औरंगाबाद, जालना आणि लातूर जिल्ह्यात ठिकठिकाणी पावसाच्या सरी पडल्या. तर उस्मानाबाद, बीड आणि नांदेड जिल्ह्यातही काही मंडळांमध्ये पावसानं हजेरी लावली.

विदर्भातील गडचिरोली जिल्ह्यातील सिरोंचा आणि गोंदीया जिल्ह्यातील सालेकसा येथे प्रत्येकी ३० मिलिमीटर पाऊस झाला. तसंच आमगाव, अर्जुनी मोरगाव आणि कोर्ची मंडळांमध्येही पाऊस झाला. या व्यतिरिक्त विदर्भात काही भागांमध्ये हलक्या सरी झाल्या.

हवामान विभागानं उद्या सकाळपर्यंत राज्यातील कोकण आणि मराठवाड्यातील काही भागांमध्ये विजांसह जोरदार पावसाची शक्यता व्यक्त केली आहे. तर राज्यात तुरळक ठिकाणी हलक्या ते मध्यम सरी पडतील, असा अंदाज व्यक्त केलाय.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT