Monsoon Rain Agrowon
ताज्या बातम्या

Pre-Monsoon Rain : नाशिक जिल्ह्यात पूर्वमोसमी वादळी पावसाने दाणादाण

Latest Rain Update : पूर्वमोसमी पावसाने रविवारी (ता.४) जिल्ह्यात हजेरी लावली. अनेक भागात वादळी वाऱ्यासह पाऊस झाला. तर काही भागांत गारपीट झाली.

Team Agrowon

Nashik News : पूर्वमोसमी पावसाने रविवारी (ता.४) जिल्ह्यात हजेरी लावली. अनेक भागात वादळी वाऱ्यासह पाऊस झाला. तर काही भागांत गारपीट झाली. त्यामुळे दाणादाण उडाली आहे.

मालेगाव, सुरगाणा, येवला, सिन्नर, नाशिक, निफाड, कळवण, नांदगाव, चांदवड, देवळा, दिंडोरी व इगतपुरी तालुक्यांत पावसाचा जोर राहिला. वादळी वाऱ्याने अधिक फटका बसला. मालेगाव तालुक्यात सर्वाधिक नुकसान झाले आहे.

जिल्ह्याच्या अनेक भागांत रविवारी वादळी वाऱ्याने धडकी भरवली. त्यामध्ये मालेगाव तालुक्याच्या उत्तर पूर्व भागात वादळी वाऱ्याने मोठा तडाखा दिला. अनेक ठिकाणी झाडे उन्मळून पडली. अनेक शेतकऱ्यांचा साठवलेला कांदा भिजला. तर शेवगा व पपई लागवडी आडव्या झाल्या. घरांवरील पत्रे उडाले. तर कुक्कुटपालन शेड तालुक्यात भुईसपाट झाले.

सटाणा तालुक्याच्या पश्चिम, उत्तर-पूर्व भागांतही पावसाने पुन्हा मोठा तडाखा दिला. जायखेडा, ब्राम्हणगाव, तळवाडे दिगर, डांगसौंदाणे, तांदूळवाडी आदी गावांत पावसासह वादळी वाऱ्याने भाजीपाला पिके, घरे व झाडांचे नुकसान झाले. आंब्याच्या कैऱ्या गळून पडल्या. कांदा पावसात भिजल्याने पुन्हा एकदा नुकसान झाले.

येवला तालुक्यात वादळी पावसाचा जोर राहिला. धामणगाव, आनकई, सावरगाव, शेवगे, चिंचोडी, साताळी परिसरात मोठे वादळ आले. त्यामुळे अनेक ठिकाणी झाडे आडवी झाली तर पत्रे उडाले.

निफाड तालुक्याच्या गोदाकाठ परिसर, पूर्व भागात वाऱ्यासह पावसाचा जोर होता. त्यामुळे कांदा चाळीवरील कागद उडाल्याने कांदा भिजला. सुरगाणा, इगतपुरी तालुक्यातही पावसाने दणका दिला.

सिन्नरच्या उत्तर भागात गारपीट

सिन्नर तालुक्यातील विंचूरी दळवी परिसरात १५ मिनिटे जोरदार गारपीट आली. त्यानंतर अर्धा तासाच्यावर जोरदार सरी बरसल्या. त्यामुळे परिसरात शेतात पाणी साचले. काही ठिकाणी पाणी वाहिले. मधुमका, भाजीपाला पिकांचे नुकसान झाले.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT