पुणे ः ‘महानंद’ने (Mahanand Dairy) घेतलेल्या निर्णयाविरोधात आता पशुसंवर्धन व दुग्ध व्यवसाय (Department of Animal Husbandry and Dairy Business) विभागाच्या प्रधान सचिवांकडे दाद मागता येणार आहे.

महाराष्ट्र राज्य सहकारी दूध महासंघाच्या (महानंद) व्यवस्थापकीय संचालकांकडून प्रशासकीय कामकाजात विविध निर्णय किंवा आदेश दिले जातात. मात्र या निर्णयाविरोधात दाद कोणाकडे मागायची, असा मुद्दा उपस्थित झाला होता. राज्य शासनाने या बाबत अभ्यास करीत संदिग्धता दूर केली आहे.

“महानंदच्या व्यवस्थापकीय संचालकाने घेतलेल्या निर्णयाच्या विरोधात प्रधान सचिवांकडे अपील करता येईल. मात्र असे अपील ३० दिवसांच्या आत करावे लागेल,” असे सूत्रांनी स्पष्ट केले.