Manjari News: बदलत्या हवामानाच्या पार्श्वभूमीवर मांजरी खुर्द आणि कोलवडी (ता. हवेली) परिसरातील ऊस पिकावर पांढरा लोकरी मावा, खोडकीड तसेच पांढरी माशी कीटकांचा मोठ्या प्रमाणात प्रादुर्भाव झाला आहे. त्यावर नियंत्रण ठेवण्यासाठी खते व औषध फवारणी कराव्या लागत आहेत. कीटकनाशकांच्या वाढलेल्या किमतीमुळे शेतकरी हैराण झाले आहेत. त्यातच शेतीमालास योग्य बाजार न मिळाल्याने शेतकऱ्यांची चिंता वाढली आहे..किडीच्या प्रादुर्भावामुळे आरोग्य बाधित होऊन ऊस पीक आधी पांढरे व नंतर पिवळी पडत असून उत्पादनात लक्षणीय घट होण्याचा धोका वाढला आहे. अनेक शेतकऱ्यांकडून त्यामुळे नाइलाजाने कमी दरात ऊस कुट्टीसाठी दिला जाऊ लागला आहे. कृषी विभागाच्या कीड व्यवस्थापन कार्यक्रमातील अपुऱ्या मार्गदर्शनामुळे ही परिस्थिती गंभीर झाली आहे..Pesticide Disposal Costs Issue : प्रतिबंधित कीटकनाशकांच्या विल्हेवाटीचा खर्च विक्रेत्यांवर.मागील वर्षी देखील अशाच प्रकारचा प्रादुर्भाव झाल्याने शेतकऱ्यांना नुकसानीला सामोरे जावे लागले होते. यावर्षीही अशीच परिस्थिती निर्माण होण्याची शक्यता शेतकरी आनंदा मुरकुटे, संजय भोसले, सतीश आव्हाळे, राजेंद्र उंद्रे, सुभाष लांडगे, संजय गायकवाड व तुकाराम पवळे यांनी व्यक्त केली आहे..Foreign Study Tour Cost: परदेश अभ्यास दौऱ्याचा खर्च वाढला, अनुदान ‘जैसे थे’.उपाययोजना करण्याची मागणीमांजरी परिसरातील ऊस पिकावर लोकरी मावा, खोडकिड व पांढरी माशीचे प्रमाण मोठ्या प्रमाणात वाढले आहे. कीड नियंत्रणासाठी अनेक उपाय करून देखील काहीही उपयोग झालेला नाही. त्यामुळे अनेकांचे उसाचे पीक निकामी झाल्याचे दिसत आहे..कृषी विभाग मात्र याकडे दुर्लक्ष करीत असल्याचे शेतकऱ्यांचे म्हणणे आहे. किडीच्या बंदोबस्तासाठी कृषी विभागाने उपाययोजना करावी, अशी मागणी शेतकऱ्यांनी केली. याबाबत सहायक कृषी अधिकारी मुक्ता गर्जे यांच्याशी संपर्क साधण्याचा प्रयत्न केला असता त्यांचा प्रतिसाद मिळाला नाही..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
