Parbhani News : परभणी जिल्ह्यात शुक्रवार (ता.२१) पर्यंत ५ लाख ३४ हजार ८९९ पैकी ४ लाख ४९ हजार ५९३ हेक्टरवर (८४.०५ टक्के) व हिंगोली जिल्ह्यात ३ लाख ६१ हजार ५४ पैकी ३ लाख २३ हजार ८२१ हेक्टरवर (८९.६९ टक्के) पेरणी झाली आहे.

गेल्या आठवड्यातील दमदार पावसामुळे पेरणी क्षेत्राचा टक्का वाढला आहे. परंतु सततच्या पावसामुळे अनेक मंडलांतील उर्वरित पेरण्या खोळंबलेल्या आहेत.

परभणी जिल्ह्यात शुक्रवार (ता. २१) पर्यंत सोयाबीनची २ लाख ४९ हजार ७२७ पैकी २ लाख ३७ हजार १८६ हेक्टरवर (९४.९८टक्के), तुरीची २९ हजार ३८५ हेक्टर (६३.९४ टक्के), मुगाची ७ हजार ४४६ हेक्टर (२७.४० टक्के), उडदाची १ हजार ४८१ हेक्टरवर (१६.३१ टक्के) पेरणी झाली.

ज्वारीची १ हजार ९१३ हेक्टर (२६.०९ टक्के), बाजरीची ३९७ हेक्टर (३४.०४ टक्के), मक्याची २४४ हेक्टर (२४.३ टक्के) पेरणी झाली. कपाशीची १ लाख ९२ हजार २१३ पैकी १ लाख ७० हजार ९३७ हेक्टरवर (८८.९३ टक्के) झाली आहे.

एकूण कडधान्यांची ३८ हजार ३३ हेक्टर (४६.५३ टक्के), तृणधान्यांची २ हजार ८७६ हेक्टर, गळितधान्यांची २ लाख ३७ हजार ४४७ हेक्टर, पेरणी झाली.

हिंगोली जिल्ह्यात सोयाबीनची २ लाख ५६ हजार ४०४ पैकी २ लाख ४५ हजार २१३ हेक्टर (९५.६४ टक्के) पेरणी झाली. तुरीची ३४ हजार ८९९ हेक्टर (७७.०३ टक्के), मुगाची ४ हजार ३२७ हेक्टर (५५.६१ टक्के), उडदाची ३ हजार ५९२ हेक्टर (६१.१० टक्के), ज्वारीची ३ हजार २१३ हेक्टर (५८.३६ टक्के), बाजरीची ११२ हेक्टर पेरणी झाली.

कपाशीची ३८ हजार ८२१ पैकी ३१ हजार १४१ हेक्टर (८०.२२ टक्के) लागवड झाली. एकूण कडधान्यांची ४३ हजार १७ (७२.९२ टक्के) हेक्टर, तृणधान्यांची ४ हजार १०१ हेक्टर, गळीत धान्यांची २ लाख ४५ हजार ५६२ हेक्टर पेरणी झाली.