Sangli Grapes News agrowon
ताज्या बातम्या

Sangli Grapes News : गुजरातच्या व्यापाऱ्याने सांगलीच्या द्राक्ष एजंटला तब्बल ५६ लाखांना घातला गंडा

sangli police : सांगलीचे मारूती नामदेव टेंगले यांनी गुजरातच्या अहमदाबादमधील दोघांविरोधात सांगली शहर पोलिस ठाण्यात फिर्याद दिली.

sandeep Shirguppe

Sangli Grapes : सांगली जिल्ह्यातील मागच्या काही महिन्यांपूर्वी बड्या द्राक्ष व्यापाऱ्याला गंडा घालण्यात आला आहे. दरम्यान द्राक्ष मालाची खरेदी करून पैसे न देता तब्बल ५६ लाख ६७ हजार ९२० रुपयांची फसवणूक करण्यात आली आहे.

याप्रकरणी सांगली जिल्ह्यातील रहिवासी मारूती नामदेव टेंगले यांनी गुजरातच्या अहमदाबादमधील शाजाद शेख, आणि दिवाणजी अहमद खान यांच्याविरोधात सांगली शहर पोलिस ठाण्यात फिर्याद दिली. १ फेब्रुवारी ते १४ सप्टेंबर या कालावधीत हा प्रकार घडला होता.

पोलिसांनी दिलेल्या माहितीनुसार, फिर्यादी मारूती टेंगले हे द्राक्ष विक्रीचे कमिशन एजंट म्हणून काम करतात. पेठभाग, जामवाडी येथील अंजली फ्रुट सेंटर अॅण्ड सप्लायर्समार्फत मागच्या काही वर्षांपासून टेंगले व्यवसाय करतात. दरम्यान गुजरात येथील संशयितांनी ए वन कंपनीच्या माध्यमातून टेंगले यांच्याशी संपर्क साधला होता.

टेंगले यांचा विश्वास संपादन करून द्राक्ष मालाची खरेदी केली होती. टेंगले यांनी मिरज आणि कवठेमहांकाळ तालुक्यातील शेतकऱ्यांकडून माल खरेदी करून तो गुजरातमधील संशयितांना दिला. माल घेतल्यानंतर त्यांनी रोखीने पैसे देणे अवघड असल्याचे सांगत त्यांना २५ लाख रुपयांचे पाच धनादेश दिले होते.

यानंतर टेंगले यांनी ५५० टन द्राक्षमाल खरेदी करून गुजरातमध्ये नेला होता. ज्याची किंमत एक कोटी ७८ लाख ८१ हजार ५८२ रुपये इतकी होती. संशयितांनी यातील एक कोटी २४ लाख १३ हजार ६६५ रुपये परत दिले. मात्र, उर्वरित रक्कम दिली नाही.

उर्वरित ५४ लाख ६७ हजार ९२० रुपये आणि कामगारांची मजुरी दोन लाख रुपये असे ५६ लाख ६७ हजार ९२० रुपये परत मिळावेत, यासाठी टेंगले प्रयत्नशील होते. मात्र, संशयितांकडून टाळाटाळ करण्यात येत असल्याने आपली फसवणूक झाल्याचे त्यांच्या लक्षात आले. दरम्यान याबाबत पोलीस अधिक तपास करत आहेत. सांगली जिल्ह्यात यापूर्वी अशा अनेक घटना घडल्या आहेत.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT