Gokul Milk News : कोल्हापूर जिल्हा सहकारी दूध उत्पादक संघ गोकुळने म्हैस दूध खरेदी दरामध्ये वाढ केली आहे. म्हैस दूध ५.५ फॅट ते ६.४ फॅट व ९.० एस.एन.एफ प्रतिचे दुधास प्रतिलिटर रुपये १ ने दूध खरेदी दरात वाढ केली आहे.

तसेच ६.५ फॅट व ९.० एस.एन.एफ प्रतिच्या पुढील दुधास प्रतिलिटर १ रुपये ५० पैसे दूध खरेदी दरामध्ये वाढ करण्यात आल्याची माहिती अध्यक्ष अरूण डोंगळे यांनी दिली.

ही दूध दरवाढ ०१ ऑक्टोबर २०२३ पासून दुध पुरवठा करणाऱ्या जिल्ह्या व जिल्ह्याबाहेरील दुध उत्पादकांना लागू होणार आहे. तर गाय दूध खरेदी दरामध्ये २ रुपये कपात करण्यात आलेले आहे. महाराष्ट्रमध्ये खाजगी व इतर दूध संघांचे गाय दुधाचे खरेदी दर कमी झाले आहेत.

बाजारपेठेतील दुध पावडर, बटर, लोणी यांचे दर कमी झाले आहेत. या सर्व बाबींचा विचार करून गाय दूध खरेदी दर कमी करणेत येत असल्याची माहिती अध्यक्ष डोंगळे यांनी दिली.

म्हैस दूध खरेदी दरामध्ये ६.० फॅट व ९.० एस.एन.एफ करीता प्रतिलिटर रुपये ४९.५० वरून रूपये ५०.५० करण्यात आला आहे. तसेच ६.५ फॅट व ९.० एस.एन.एफ करीता प्रतिलिटर रूपये ५१.३० वरून रूपये ५२.८० करण्यात आला. गाय दुधामध्ये ३.५ फॅट व ८.५ एस.एन.एफ करीता प्रतिलिटर गाय दूध खरेदी दर ३५.०० रूपये वरून ३३.०० रूपये करण्यात आला आहे.

नवे दर असे (कंसात जुने दर रुपयात)

म्हैस दूध - ६.० फॅट व ९.० एस.एन.एफ प्रतिलिटर ५०. ५० रुपये (४९.५०)

६.५ फॅट व ९.० एस.एन.एफ करिता प्रतिलिटर ५२.८० (५१.३०)

गाय दुधामध्‍ये ३.५ फॅट व ८.५ एस.एन.एफ करिता प्रतिलिटर- ३३ (३५)