दाभोळ : दापोली तालुक्यातील १०६ पैकी ३० ग्रामपंचायतींची सार्वत्रिक निवडणूक (Gram Panchayat Election) जाहीर झाली असून सर्वच राजकीय पक्षांनी या निवडणुकीसाठी आधीच तयारी सुरू केली असल्याने या निवडणुका अटीतटीच्या होणार आहेत. तालुक्यातील बहुतांश ग्रामपंचायतींवर शिवसेनेचे (Shivsena) वर्चस्व होते; मात्र आता शिवसेनाच दोन गटांत विभागली गेली असल्याने कोणता गट या ग्रामपंचायतीवर वर्चस्व मिळवितो हे पाहणे औत्सुक्याचे ठरणार आहे.

ग्रामपंचायत व सरपंचनिहाय आरक्षण पुढीलप्रमाणे ः आगरवायंगणी (सर्वसाधारण), आपटी (सर्वसाधारण महिला), उसगाव (नागरिकांचा मागास प्रवर्ग महिला), उंबरशेत (नागरिकांचा मागास प्रवर्ग महिला), उंबर्ले (सर्वसाधारण), करजगाव (अनुसूचित जमाती), कळंबट (नागरिकांचा मागास प्रवर्ग महिला), कादिवली (सर्वसाधारण), कुडावळे (सर्वसाधारण), करंजाणी (नागरिकांचा मागास प्रवर्ग), कोळबांद्रे (सर्वसाधारण), जालगाव (सर्वसाधारण), दमामे (सर्वसाधारण स्त्री), देगांव (सर्वसाधारण महिला),

देहेण (सर्वसाधारण महिला), टाळसुरे (सर्वसाधारण महिला), पाचवली (नागरिकांचा मागास प्रवर्ग महिला), बोंडीवली (सर्वसाधारण), भडवळे (सर्वसाधारण महिला), मुर्डी (सर्वसाधारण महिला), वाझंळोली (नागरिकांचा मागास प्रवर्ग महिला), वेळवी (सर्वसाधारण), विरसई (सर्वसाधारण महिला), शिर्दे (सर्वसाधारण), शिरसाडी (अनुसूचित जाती), सडवे (सर्वसाधारण), सातेरे तर्फे नातू (सर्वसाधारण), सारंग (नागरिकांचा मागास प्रवर्ग महिला), सोवेली (सर्वसाधारण), हातीप (सर्वसाधारण महिला).