Chandrapur News: वरोरा तालुक्यातील शेगाव (बु.) मंडळात यंदाच्या रब्बी हंगामात हवामानअनुकूल व पारंपरिक शेती पद्धतीचा अवलंब करत जवस पिकाच्या लागवडीत लक्षणीय वाढ झाली आहे. रसायनमुक्त, सेंद्रिय व जैविक शेतीचे उत्तम उदाहरण या परिसरातील शेतकऱ्यांनी घालून दिले, असून कृषी विभागाच्या प्रयत्नांना यश मिळाले आहे..विभागीय कृषी सहसंचालक (नागपूर) उमेश घाटगे, प्रकल्प संचालक (आत्मा) अरुण कुसळकर, जिल्हा अधीक्षक कृषी अधिकारी शंकर तोटावार यांच्या मार्गदर्शनाखाली रब्बी हंगामात पारंपरिक पीक पद्धती अंतर्गत जवस व मोहरी संशोधन प्रकल्प, डॉ. पंजाबराव देशमुख कृषी विद्यापीठ, नागपूर येथील वरिष्ठ जवस पैदासकार डॉ. बिना नायर यांच्या साहाय्याने शेगाव मंडळात जवस पीक प्रात्यक्षिके घेण्यात आली..Flaxseed Crop : जवस पिकाला बसतो कीड-रोगांचा फटका; करा असे गादमाशीचे एकात्मिक व्यवस्थापन.महात्मा ज्योतिबा फुले शेतकरी उत्पादक कंपनी, राळेगाव यांच्या माध्यमातून राळेगाव, पिंपळगाव, बेंबळा, वायगाव भोयर, चारगाव (बु.), उमरी, वडधा माल, वडधा तुकुम, पारडी, अकोला या गावांमध्ये ११० एकरांवर जवस पीक प्रात्यक्षिके घेण्यात आली..Flax Seed For Weight Loss : जवस खरचं वजन कमी करण्यासाठी फायदेशीर आहे का?.शेतकऱ्यांनी डॉ. पंजाबराव देशमुख कृषी विद्यापीठ (अकोला) यांनी संशोधित केलेला पी.के.व्ही.एन. एल-२६० हा वाण प्रत्येकी एक एकरावर पेरला असून मराठवाडा कृषी विद्यापीठाचा एल.एस.एल.-९३ (पांढऱ्या फुलांचा वाण) मिळून एकूण जवस लागवड क्षेत्र २०० एकरांच्या पुढे गेले आहे..यावर्षी खरीप हंगामात अतिवृष्टीमुळे सोयाबीन, कापूस व भात पिकांचे मोठे नुकसान झाले. या पार्श्वभूमीवर शेतकऱ्यांचे उत्पन्न वाढविण्यासाठी रब्बी हंगामात जवस लागवड वाढविण्याचे आवाहन तालुका कृषी विभागाने केले होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
