Amravati News: केंद्रपुरस्कृत प्रधानमंत्री आवास योजनेअंतर्गत सन २०२४-२५ मध्ये मंजूर झालेल्या घरकुलधारकांना आता घरासोबतच सौरऊर्जेचा (सोलर) लाभ मिळणार आहे. घरकुल बांधकामासाठी मिळणाऱ्या अनुदानाव्यतिरिक्त प्रत्येक लाभार्थ्याला १५ हजार रुपयांचे अतिरिक्त अनुदान देण्यात येणार असून ही योजना ऐच्छिक स्वरूपाची असणार आहे. अमरावती जिल्ह्यात यावर्षी उद्दिष्टित असलेल्या सुमारे ८० हजार घरकुल लाभार्थ्यांना या योजनेचा लाभ मिळण्याची शक्यता आहे..अमरावती जिल्ह्यात रमाई आवास योजना, यशवंत पंचायतराज अभियान तसेच प्रधानमंत्री आवास योजनेच्या लाभार्थ्यांना ‘प्रधानमंत्री सूर्यघर योजने’अंतर्गत घराच्या छतावर एक किलोवॅट (१ केव्ही) क्षमतेपर्यंत सोलर यंत्रणा बसवण्यासाठी अतिरिक्त अनुदान दिले जाणार आहे..Solar Energy: ‘सौर कृषी वाहिनी’मुळे कृषी पंपांना दिवसा वीज.मंजूर घरकुल लाभार्थ्यांना राज्य शासनाच्या हिश्श्यातून ५० हजार रुपयांचे अतिरिक्त अनुदान मिळणार असून लाभार्थ्याचा हिस्सा अत्यल्प ठेवण्यात आला आहे. या योजनेत घरकुलधारकाला केवळ अडीच हजार रुपये भरावे लागणार आहेत. दारिद्र्यरेषेखालील लाभार्थ्यांना राज्य शासनाकडून १७ हजार ५०० रुपये, तर केंद्र शासनाकडून ३० हजार रुपयांचे अनुदान मिळणार आहे..सर्वसाधारण गटासाठी राज्य शासनाचे १० हजार व केंद्र शासनाचे ३० हजार रुपये, अनुसूचित जाती गटासाठी लाभार्थी हिस्सा ५ हजार, राज्य शासनाचे १५ हजार व केंद्र शासनाचे ३० हजार रुपये, तर अनुसूचित जमाती गटासाठी लाभार्थी हिस्सा ५ हजार, राज्य शासनाचे १५ हजार व केंद्र शासनाचे ३० हजार रुपयांचे अनुदान देण्यात येणार आहे..Solar Energy Project : वार्षिक दहा लाख युनिट वीजनिर्मितीचा सौर ऊर्जा प्रकल्प.अशी आहे लाभार्थी संख्या (२०२४-२५)रमाई आवास योजना ३,४१०यशवंत पंचायतराज अभियान ७८५प्रधानमंत्री आवास योजना ५२,९३२.दरम्यान, शासनाने घरकुल लाभार्थ्यांसाठी सोलर योजना सुरू केल्याने अमरावती जिल्ह्यातील जास्तीत जास्त लाभार्थ्यांना त्याचा फायदा मिळावा, यासाठी जिल्हा ग्रामीण विकास यंत्रणेकडून प्रयत्न सुरू आहेत. तसेच जिल्ह्यातील ४१७ अपूर्ण घरकुलांच्या बांधकामाचे तातडीने नियोजन करून ते पूर्ण करण्याचे निर्देश पंचायत समिती स्तरावर देण्यात आले आहेत.- प्रीती देशमुख, प्रकल्प संचालक, जिल्हा ग्रामीण विकास यंत्रणा.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
