अॅग्रोवन वृत्तसेवा
पुणे : ‘‘महाराष्ट्राची सांस्कृतिक राजधानी म्हणून पुण्याचा नावलौकिक आहे. विद्येच्या या माहेरघरात महाराष्ट्राच्या सांस्कृतिक एकात्मतेची सफर म्हणून भीमथडीकडे पाहता येईल,’’ असे प्रतिपादन संयोगिताराजे संभाजी छत्रपती यांनी केले.

सिंचननगर येथील कृषी महाविद्यालयाच्या मैदानावर भरलेल्या १६ व्या भीमथडी जत्रेचे उद्‌घाटन संयोगिताराजे संभाजी छत्रपती यांच्या हस्ते बुधवारी (ता.२१) करण्यात आले. त्या वेळी त्या बोलत होत्या. या वेळी स्वीत्झरलँड दूतावासातील

फ्लोरिन म्यूलर, डॉ. राल्फ हॅकनेर, मार्टिन मायर, बारामती टेक्स्टाइल पार्कच्या सुनेत्रा पवार, पुणे जिल्हा मध्यवर्ती सहकारी बँकेचे अध्यक्ष डॉ. दिगंबर दुर्गाडे, उपाध्यक्ष सुनील चांदेरे, मुख्य कार्यकारी अधिकारी टापरे, राहुरी कृषी विद्यापीठाचे सहयोगी अधिष्ठाता डॉ. सुनील मासाळकर, अॅग्रिकल्चरल डेव्हलपमेंट ट्रस्टचे चेअरमन राजेंद्र पवार, ‘भीमथडी’च्या आयोजिका सुनंदा पवार, विश्‍वस्त विष्णुपंत हिंगणे, अविनाश बारवकर, राजीव देशपांडे, मगर साहेब आदी उपस्थित होते.
२५ डिसेंबरपर्यंत सुरू असणाऱ्या भीमथडी जत्रेला पुणेकरांनी भेट द्यावी, असे भीमथडीच्या आयोजिका सुनंदा पवार म्हणाल्या.