Market Bulletin: सोयाबीनच्या दरावर दबावसोयाबीनच्या भावात मागील ३ आठवड्यांपासून दबाव कायम आहे. मागील महिनाभरातच सोयाबीनचे भाव क्विंटलमागे २०० ते ३०० रुपयाने कमी झाले. नाफेड आणि एनसीसीएफची सोयाबीनची विक्री सुरु आहे. उद्योगांना पुरेशा प्रमाणात सोयाबीन मिळत आहे. तसेच नाफेडच्या सोयाबीनचे भावही कमी झाले आहेत. त्याचा दबाव बाजारावर आला. सोयाबीनचे प्रक्रिया प्लांट्सचे भाव ४ हजार ६०० ते ४ हजार ७५० रुपयांच्या दरम्यान आहेत. आंतरराष्ट्रीय बाजारातही सोयाबीनचे भाव दबावात आहेत. सोयाबीन बाजारातील ही स्थिती आणखी काही आठवडे कायम राहू शकते, असा अंदाज सोयाबीन बाजारातील अभ्यासकांनी व्यक्त केला. .मोहरीला चांगला उठावदेशात सध्या खाद्यतेलाचे भाव चांगले आहेत. मागील महिनाभारत खाद्यतेलाची आवक वाढली आहे. देशात खाद्यतेलाचा साठाही वाढला. मात्र दर कायम आहेत. आंतरराष्ट्रीय बाजारात खाद्यतेलाच्या भावातील सुधारणा कायम असल्याचा हा परिणाम आहे. देशात मोहरीलाही चांगला उठाव मिळत आहे. त्यामुळे मोहरीचे दर टिकून आहेत. सध्या मोहरीला प्रतिक्विंटल सरासरी ६ हजार ते ६ हजार ३०० रुपयांच्या दरम्यान भाव मिळत आहे. पुढे सणासुदीच्या काळात खाद्यतेलाला चांगला उठाव असेल. त्यामुळे खाद्यतेलाचे आणि मोहरीचेही दर टिकून राहू शकतात, असा अंदाज मोहरी बाजारातील व्यापारी व्यक्त करत आहेत. .Onion Price: सरकार विकतेय २४ रुपयाने कांदा; भाव नसल्याने शेतकरी मात्र अडचणीत.लाल मिरची टिकूनलाल मिरचीला सध्या चांगली मागणी आहे. पुढे सणासुदीच्या काळातही लाल मिरचीला चांगला उठाव मिळणार आहे. देशात गेल्या हंगामात लाल मिरचीचे उत्पादन वाढले होते. त्यामुळे दरावर काहीसा दबाव दिसून आला. आजही गेल्यावर्षीपेक्षा लाल मिरचीचे दर दबावातच आहेत. सध्या लाल मिरचीला सरासरी ६ हजार ५०० ते ७ हजार रुपयांच्या दरम्यान भाव मिळत आहे. लाल मिरचीला सणांमुळे प्रक्रिया उद्योगांमधूनही मागणी वाढत आहे. तर यापुढच्या काळात बाजारातील आवक कमी होत जाण्याची शक्यता आहे. त्यामुळे लाल मिरचीचे भाव टिकून राहू शकतात, असा अंदाज व्यापारी आणि अभ्यासकांनी व्यक्त केला. .Textile Industry GST: टॉवेल, चादर उद्योगाला जीएसटी स्लॅबमध्ये कोणताही दिलासा नाही.वांग्याला मागणी कायमराज्यातील बाजारात मागील दोन महिन्यांपासून वांग्याची आवक मर्यादीत दिसत आहे. तर वांग्याला मागणी मात्र चांगली आहे. त्यामुळे दरही टिकून आहेत. पावसाचा राज्यातील अनेक भागात वांगी पिकाला मोठा फटका बसला. अनेक जिल्ह्यांमध्ये काही ठिकाणी सलग काही दिवस पाऊस होता. यामुळे बाजारातील वांग्याची आवक कमीच आहे. त्यामुळे वांग्याला सध्या सरासरी २ हजार ५०० ते ३ हजार रुपये प्रतिक्विंटलच्या दरम्यान दर मिळत आहेत. वांगीचे दर पुढील काही आठवडे कायम राहू शकतात, असा अंदाज वांगी बाजारातील अभ्यासकांनी व्यक्त केला. .गव्हाचे भाव स्थिरसरकारने गव्हावरील स्टाॅकची मर्यादा कमी केली. त्यामुळे क्विंटलमागे ३० ते ५० रुपयांची नरमाई आलीहोती. परंतु दर पुन्हा स्थिरावले. सणासुदीच्या काळात गव्हाचे भाव वाढू नये, यासाठी सरकारने हा निर्णय घेतला. सरकार ऑक्टोबरमध्ये हा निर्णय घेईल, असा अंदाज व्यक्त केला जात होता. पण सरकारने हा निर्णय लवकरच घेतला. याचा बाजाराव काहीसा परिणाम दिसला. परंतु बाजारात गव्हाची आवक कमी च आहे. तर सणासुदीच्या तोंडावर गव्हाची गव्हाला उठाव आहे. सध्या गहू २ हजार ४०० ते २ हजार ९०० रुपयांच्या दरम्यान गुणवत्तेदरम्यान विकले जात आहे. सध्याचे दर आणखी काही आठवडे कायम राहतील, असा अंदाज अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
