Pomegranate Agrowon
ताज्या बातम्या

Fraud With Farmer : डाळिंब खरेदीत १३ लाखांची फसवणूक करणाऱ्यास अटक

Pomegranate Procurement : सुमारे दोन वर्षांपूर्वी शहरातील फळविक्रेता मोहसीन सय्यद याच्याकडून सुमारे १३ लाख रुपयांचे डाळिंब खरेदी करून नेले होते.

Team Agrowon

Nashik News : शहरातील फळ व्यापाऱ्यांकडून डाळिंब खरेदी करून सुमारे १३ लाखांची फसवणूक करणाऱ्या बागवान नावाच्या संशयिताला शहर पोलिसांनी सागवान (जि. बुलडाणा) येथे जाऊन बेड्या ठोकल्या आहेत.

शेख अमजद शेख मोहम्मद बागवान (वय ३३, रा. सागवान, ता. जि. बुलडाणा) असे या संशयिताचे पूर्ण नाव असून, त्याने सुमारे दोन वर्षांपूर्वी शहरातील फळविक्रेता मोहसीन सय्यद याच्याकडून सुमारे १३ लाख रुपयांचे डाळिंब खरेदी करून नेले होते.

त्यानंतर मोहसीन सैय्यद यांनी वारंवार पैसे मागितले असता, बागवान याने देण्यास टाळाटाळ करून उडवाउडवीची उत्तरे देत होता. यामुळे त्रस्त झालेल्या सैय्यद यांनी येवला शहर पोलिसात दिलेल्या फिर्यादीवरून गुन्हा दाखल झाला होता. तर, बागवान हा गुन्हा घडल्यापासूनच फरारी होता.

गुन्ह्याच्या तपासात तांत्रिक विश्लेषणाच्या मदतीने व गोपनीय माहितीच्या आधारे तपास करून शहर पोलिसांनी बागवान याला ताब्यात घेतले आहे. त्याला येथील न्याय दंडाधिकारी यांच्या समक्ष उपस्थित केले असता, न्यायालयाने सोमवार (ता. १९) पर्यंत पोलिस कोठडी सुनावली आहे.

पोलिस निरीक्षक नंदकुमार कदम यांच्या मार्गदर्शनाखाली उपनिरीक्षक सूरज मेढे, हवालदार दीपक शिरुडे, बाबा पवार, मनिषा खांडेकर, मोबाईल सेलचे हेमंत गिलबिले यांनी ही कारवाई केली.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT