Pune News : धरणक्षेत्रात पावसाच्या जोर असला तरी अधूनमधून पावसाची संततधार सुरूच आहे. धरणांतील पाण्याच्या पातळीत हळूहळू वाढ होत आहे. मात्र, काही धरणक्षेत्रात पावसाचा जोर कायम आहे. त्यामुळे जिल्ह्यातील जवळपास सर्वच धरणे भरत आल्याने तब्बल २० धरणांतून पाण्याचा विसर्ग सोडण्यात आला आहे.
त्यामुळे मुठा, मुठा, भीमा, पवना, आरळा, इंद्रायणी, कऱ्हा, कुकडी, निरा, घोड, हंगा या नद्यांच्या पाणी पातळीत वाढ झाली आहे. पावसाचे जवळपास तीन महिने होत आले आहेत. या काळात मुळशी, ठोकरवाडी, शिरोटा, वळवण, लोणावळा, कुंडली या घाटमाथ्यावर जोरदार पाऊस पडला आहे.
रविवारी (ता. २५) सकाळी आठपर्यंत वळवण घाटमाथ्यावर
सर्वाघिक १५५ मिलिमीटर, तर लोणावळा घाटमाथ्यावर १४६, कुंडली १२७, शिरोटा ११६, मुळशी ९८, ठोकरवाडी ७१ मिलिमीटर पाऊस पडला. त्यामुळे मुळशी, आंध्रा, वळवण, लोणावळा या धरणांत जवळपास १.२८ टीएमसी पाणीसाठा झाला आहे.
मुठा खोऱ्यातील टेमघर, वरसगाव, पानशेत, खडकवासला धरण क्षेत्रात मुसळधार पाऊस झाला आहे. यामध्ये टेमघर १९० मिलिमीटर, वरसगाव १६२, पानशेत १६५, खडकवासला ५८ मिलिमीटर पाऊस झाला. त्यामुळे या धरणांत मागील चोवीस तासांत २.२३ टीएमसी पाणी आले असून या चारही धरणांतून पाण्याचा विसर्ग सोडण्यात आल्यानंतर अखेरच्या खडकवासला धरणांतून मुठा नदीत पाणी सोडण्यात आले आहे.
निरा खोऱ्यातील पवना, कळमोडी, चासकमान, आंध्रा, वडीवळे, गुंजवणी, भाटघर, निरा देवघर, वीर या धरणक्षेत्रात जोरदार पाऊस झाला. त्यामुळे या धरणांतील पाणीसाठा ९० टक्क्यांहून अधिक झाला आहे. काही धरणे शंभर टक्के भरल्याने पाण्याचा विसर्ग सोडण्यात आला आहे.
यात प्रामुख्याने पवनातून ५७२० क्युसेक, कासारसाईतून ७५० क्युसेक, भामा आसखेडमधून ३६१६, कळमोडी १२२६ क्युसेक, आंध्रातून ९९७, वडीवळे २०६४, शेटफळ २०८०, नाझरे ८००, तर गुंजवणीतून ७३३, भाटघर ९३३१, निरा देवघरमधून ५१०५, वीरमधून २६३८४ क्युसेकने नदीला, डाव्या व उजव्या कालव्याला पाण्याचा विसर्ग सोडण्यात आला आहे.
कुकडी खोऱ्यातही पावसाचे प्रमाण काहीसे कमी असले तरी वडज, डिंभे, चिल्हेवाडी आणि घोड या धरणांतील पाणीसाठा ७० टक्क्यांहून अधिक झाला आहे. त्यामुळे येडगावमधून डाव्या कालव्याला १२०० क्युसेक, वडजमधून ३०० क्युसेकने डाव्या कालव्याला, तर चिल्हेवाडीतून ११२६ क्युसेकने सांडव्याला, घोडमधून ६८९० क्युसेकने सांडव्याला, तर १०० क्युसेकने उजव्या कालव्याला, उजनीतून ५३ हजार ६५५ क्युसेकने भीमा नदीत पाण्याचा विसर्ग सोडण्यात आला आहे. त्यामुळे मीना, कुकडी, आरळा, पवना या नद्या दुथडी भरून वाहत आहेत.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.