Pune News : उजनी धरणातून भीमा नदीच्या पात्रात २१ हजार ६०० क्युसेक्स पाण्याचा विसर्ग सोडण्यात येत असल्याने भीमा नदी पुन्हा भरून वाहू लागली आहे. त्यामुळे प्रशासनाने इंदापूर व माढा तालुक्यातील नदीकाठच्या गावातील शेतकरी व ग्रामस्थांना सावधानतेचा इशारा दिला आहे.
पुणे शहर व परिसरातील धरण क्षेत्रात पाऊस पडत असल्याने तसेच उजनी धरण पाणलोट क्षेत्रात जोरदार पाऊस झाल्याने धरणामध्ये मोठ्या प्रमाणात आवक सुरू आहे. उजनी धरणात ११४ टीएमसी पाण्याचा साठा झाला असून धरण ९४ टक्के भरले आहे. पाठीमागील अनेक वर्षांचा इतिहास पाहता जूलै महिन्यात धरणात एवढा मोठा पाणीसाठा प्रथमच झाला असल्याचे अनेक जुन्या जाणकारांनी बोलताना सांगितले.
उजनी धरणाची शनिवार सकाळ ६ वाजता एकूण पाणीसाठा ११४ टीएमसी झाला असून त्यामध्ये उपयुक्त पाणीसाठा ५० टीएमसी एवढा आहे. तर धरणात एकूण पाणीसाठा ९४ टक्के झाला आहे. तर दौंड येथून उजनी धरणात १११७० क्युसेक्स पाणी येवून मिसळत आहे.
सिना माढा १८० कुसेक्स, दहिगाव उपसा ८० कुसेक्स, बोगद्यात ४०० क्युसेक्स तर कॅनालमध्ये १९०० क्युसेक्स पाणी सोडण्यात येत आहे. तर सांडव्यातून भिमा नदी पात्रात २० हजार क्युसेक्स तर विज निर्मितीसाठी १६०० असे एकूण २१ हजार ६०० क्युसेक्सचा विसर्ग नदी पात्रात वाहत आहे.
उजनी धरणाची जुलैमध्ये च १०० टक्क्याकडे वाटचाल झपाट्याने सुरू असल्याने प्रशासन अलर्ट मोडवर आले आहे. त्यामुळे भिमा नदी काठावरील इंदापूर व माढा तालुक्यातील गावातील शेतकरी व ग्रामस्थांना सावधानतेचा इशारा देण्यात आला आहे.
शेतकऱ्यांनी भीमा नदीच्या काठावर असणाऱ्या आपल्या विद्युत मोटारी, केबल, पाईप अगोदरच सुरक्षित ठिकाणी हलवलेल्या आहेत. मात्र पावसाने एक महिन्यापासून पाठ फिरवल्याने पिके पाण्याला आली असल्याने मोठी अडचण निर्माण झाली आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.