Garlic Price : पुण्यातील किरकोळ बाजारात लसणाला प्रतिकिलो ४०० रुपये भाव!

Pune News : लसणाचे दरात तेजी दिसत असून वाढले आहेत. यामुळे काहीअंशी शेतकऱ्यांना दिलासा मिळत आहे. सध्या किरकोळ बाजारात लसणाचा दर हा ४०० रुपये प्रतिकिलो आहे.

गेल्या काही महिन्यापासून लसणाच्या दरात वाढ होत असून आता कुठे शेतकऱ्यांच्या लसणाला भाव मिळत आहे. गेल्या दोन वर्षात यात सुधारणा नव्हती. तर लसूण घाऊक बाजारात फक्त ५० ते ८० रुपये किलोने मिळत होता. यात मागिल तीन महिन्यापूर्वी वाढ झाली आहे. मागच्या दोन वर्षांपेक्षा यंदा दरात ३२० ते ३५० रूपयेंची वाढ झाली आहे.

तीन महिन्यात दरात तेजी

गेल्या दोन वर्षात लसणाला चांगला दर मिळत नव्हता. तर लसूण घाऊक बाजारात फक्त ५० ते ८० रुपये किलोने मिळत होता. यात गेल्या आठ महिन्यांत ८० ते १०० रुपये वाढ झाली. यानंतर आता बाजारात लसूण ३६० ते ४०० रुपये प्रतिकिलो मिळत आहे.

लागवड न केल्याचा परिणाम

गेल्या दोन वर्षात लसणाचे पडणारे भाव आणि उत्पादन खर्चही निघत नसल्याने शेतकऱ्यांनी लागवडीकडे पाठ फिरवली होती. यामुळे बाजारात लसणाची कमतरता जाणवत आहे. याचा थेट परिणाम लसणाच्या भावावर झाला आहे. यामुळे बाजारात लसणाचे भाव वाढले आहेत.

लसणाच्या पाकळ्यांनाही २०० भाव

सध्या चांगला लसूण हा ३६० ते ४०० रुपये प्रतिकिलो मिळत आहे. यामुलळे बाजारात चांगल्या लसणाऐवजी लसणाच्या पाकळ्यांनाही मागणी वाढली आहे. या पाकळ्यांनाही २०० रुपये प्रतिकिलो असा भाव मिळत आहे.