Pune Rain: पुणे जिल्ह्यात पावसाचा जोर ओसरला

Pune News: पुणे जिल्ह्याच्या पश्चिम पट्ट्यात दोन ते तीन दिवस दमदार पाऊस पडल्यानंतर पावसाचा जोर ओसरला आहे. काही ठिकाणी अजूनही हलका पाऊस कोसळत आहे. भोरमधील अनेक ठिकाणी मध्यम स्वरूपाच्या सरी कोसळल्या आहेत. झालेल्या पावसामुळे धरणात वेगाने आवक सुरू असून कासारसाई, टेमघर, खडकवासला, वीर अशा अनेक धरणांतून पाण्याचा विसर्ग सोडण्यात आला आहे.

पुणे जिल्ह्यात मे महिन्यापासून पावसाने सुरुवात केली आहे. जूनमध्ये अनेक ठिकाणी जोरदार पाऊस पडला. तर जुलैमध्येही काहीशी अशीच स्थिती आहे. आतापर्यंत पावसाचा जोर कमीअधिक होत आहे. तर ताम्हिणी, लोणावळा, शिरोटा, कुंडली, वळवण, ठोकरवाडी या घाटमाथ्यावर पावसाची संततधार सुरूच आहे. त्यामुळे भात खाचरे भरून वाहत आहेत. भोरमधील भोलावडे, नसरापूर, आंबवडे, निगुडघर येथे ३४ मिलिमीटर पाऊस पडला.

तर किकवी, वेळू, संगमनेर, भोर, हर्नास येथे पावसाचा शिडकावा झाला. मावळमधील कार्ला येथे २४ मिलिमीटर, तर वडगाव मावळ, तळेगाव १५, काले १४, खडकाळा, शिवणे १३, लोणावळा ११ मिलिमीटर तर परिंदवाडी, ताकवे, वाडेश्वर, कुसगाव, ताकवे येथे ढगाळ वातावरण होते. मुळशीतील माले, मुठे येथे १७ मिलिमीटर, तर पौड, घोटावडे, पिरंगुट येथे शिडकावा झाला. तर थेरगाव, कासार आंबोली, सावरगाव, कोळवण, माण येथे ढगाळ वातावरण होते. वेल्ह्यातील आंबवणे ३४ मिलिमीटर,

तर वेल्हा, पानशेत, विंझर २१ मिलिमीटर, जुन्नरमधील जुन्नर, वडगाव आनंद, निमगाव सावा, राजूर, डिंगोरे, आपटाळे, ओतूर येथे तुरळक सरी, तर वडज, ओझर, नारायणगाव, बेल्हा येथे उघडीप होती. खेडमधील पाईट येथे १५ मिलिमीटर, तर वाडा, राजगुरुनगर, कुडे, कन्हेरसर, कडूस येथे हलका तर चाकण, आळंदी, पिंपळगाव, वेताळे, करंजविहिरे येथे ढगाळ वातावरण होते. आंबेगाव येथे २८ मिलिमीटर, तर घोडेगाव, पारगाव येथे तुरळक तर कळंब, मंचर, निरगुडसर येथे पावसाची उघडीप होती.

हवेलीतील पुणे वेधशाळा, केशवनगर, कोथरूड, खडकवासला, थेऊर, उरुळीकांचन, खेड, भोसरी, चिंचवड, कळस, हडपसर, वाघोली, अष्टापूर मंडलांत ढगाळ वातावरण होते. तर शिरूरमधील टाकळी, वडगाव, न्हावरा, मलठण, तळेगाव, रांजणगाव, कोरेगाव, पाबळ, शिरूर, निमोणे, बारामतीतील माळेगाव, पणदरे, वडगाव, लोणी, सुपा, मोरगाव, उंडवडी,

शिर्सुफळ, इंदापुरातील भिगवण, इंदापूर, लोणी, बावडा, काटी, निमगाव, अंथुर्णी, सणसर, पळसदेव, लाखेवाडी, दौंडमधील देऊळगाव, पाटस, यवत, कडेगाव, राहू, वरवंड, रावणगाव, दौंड, बोरी भडक, खामगाव, वडगाव बांदे, पारगाव, बोरी पार्धी, गिरीम, कुरकुंभ, पुरंदरमधील सासवड, भिवंडी, कुंभारवळण, जेजुरी, परिंचे, राजेवाडी, वाल्हा, शिवरी मंडलांत पावसाने चांगलीच उघडीप दिली होती. परंतु या भागात ढगाळ वातावरणाची स्थिती कायम होती.