Pune News : राज्यात सुरू असणाऱ्या राष्ट्रवादी काँग्रेस पक्षातील नाट्यावर काल निवडणूक आयोगाने निर्णय दिला. हा निर्णय शरद पवार गटाला धक्का देणारा ठरला आहे. आयोगाने राष्ट्रवादी काँग्रेस पक्ष आणि पक्षाचे चिन्ह घड्याळ हे अजित पवार यांना दिले. तसेच शरद पवार यांना नवीन नाव आणि चिन्ह घेण्याच्या सुचना केल्या होत्या. त्याप्रमाणे शरद पवार यांच्या गटाकडून सुचवलेल्या नावापैकी 'राष्ट्रवादी काँग्रेस पक्ष शरदचंद्र पवार' हे नाव निश्चित झाले आहे. पण अजूनही चिन्हावर निर्णय झालेला नाही.
देशात लोकसभा निवडणूका तोंडावर शरद पवार गटास निवडणूक आयोगाने मोठा झटका दिला. तसेच शरद पवार यांचा राष्ट्रवादी काँग्रेस पक्ष आणि त्याचे चिन्ह अजित पवार गटाला दिले. यामुळे शरद पवार यांच्यासह त्यांच्या गटातील नेते आणि कार्यकर्ते यांच्यासमोर नवीन नाव आणि चिन्हाचा प्रश्न निर्माण झाला होता.
‘वटवृक्ष’ चिन्ह
दरम्यान शरद पवार गटाकडून ‘शरद पवार काँग्रेस’, ‘मी राष्ट्रवादी’, ‘शरद स्वाभिमानी पक्ष’ किंवा ‘राष्ट्रवादी काँग्रेस शरद पवार’ असे नावे समोर आली होती. तर ‘नॅशनलिस्ट काँग्रेस पार्टी शरद पवार’, ‘नॅशनलिस्ट काँग्रेस पार्टी शरदचंद्र पवार’, ‘नॅशनलिस्ट काँग्रेस पार्टी शरदराव पवार’ ही नावे आयोगाला पाठविण्यात आली होती. तर पक्षाचे नवीन चिन्ह म्हणून चष्मा, कपबशी, ‘उगवता सूर्य’ हे सुचवण्यात आले होते. पण शरद पवार गट ‘वटवृक्ष’ या चिन्हासाठी आग्रही असल्याचे समजते.
काय झाले काल?
निवडणूक आयोगाने आपला निकाल देताना, राष्ट्रवादी काँग्रेस पक्ष आणि चिन्ह अजित पवार गटास दिले. तसेच शरद पवार गटाला स्वतंत्र गट म्हणून मान्यता दिली. त्याचबरोबर शरद पवार गटाने आयोगाकडे नवीन नाव आणि चिन्हाची मागणी करावी असे निर्देश दिले होते. याप्रमाणे शरद पवार यांच्या गटाने दिलेल्या 'राष्ट्रवादी काँग्रेस पक्ष शरदचंद्र पवार' हे नाव निश्चित करण्यात आले आहे.
निवडणूकांच्या तोंडावर अडचण
लोकसभा निवडणूका काही महिन्यातच राज्यात होणार आहेत. याच्या एक वर्षभरआधी राष्ट्रवादी काँग्रेस पक्षात फूट पडली. तर शरद पवार आणि अजित पवार असे दोन गट पडले. दरम्यान काल बुधवारी निवडणूक आयोगाने निर्णय देत पक्ष आणि चिन्ह अजित पवार गटास दिले. यामुळे नवीन नाव आणि चिन्ह मतदारांपर्यंत कसे पोहोचवायचे असा मोठा पेच शरद पवार गटासमोर उभा आहे. तर आता पक्षाचे जे नाव आणि चिन्ह आहे तेच गेल्याने गटाला नवीन रणनिती आखावी लागणार आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.