Chh. Sambhajinagar News : मराठवाड्यातील छत्रपती संभाजीनगर, जालना व बीड या तीन जिल्ह्यांत बुधवारी (ता. २३) सकाळपर्यंतच्या २४ तासांत पावसाचा जोर ओसरल्याचे चित्र पहायला मिळाले. खुलताबाद तालुक्यांतील एका मंडळात झालेली अतिवृष्टी वगळता अनेक मंडलांत पावसाची दांडी तर हजेरी लागलेल्या मंडलात तुरळक, हलकी हजेरी पाहायला मिळाली.
छत्रपती संभाजीनगर जिल्ह्यातील खुलताबाद तालुक्यांतील बाजार सावंगी मंडळात ७३.५ मिलिमीटर अतिवृष्टी झाली. या तालुक्यात सर्वाधिक वि ४२.४ मिलिमीटर पाऊस झाला. कन्नड तालुक्यात सरासरी १२.५ मिलिमीटर, छत्रपती संभाजीनगरमध्ये ४.८, पैठणमध्ये १.४, गंगापूरमध्ये ०.२ वैजापूरमध्ये ०.३, सिल्लोडमध्ये ३.६, सोयगावमध्ये ३.८, फुलंब्रीमध्ये २.३ मिलिमीटर पाऊस झाला. बीड जिल्ह्यातील बीड तालुक्यात ०.७ मिलिमीटर पावसाची नोंद झाली.
तर पाटोदामध्ये १.३, गेवराई ०.४, माजलगावमध्ये ०.९, अंबाजोगाईमध्ये ०.१, केजमध्ये ०.१ परळीमध्ये ०.४ मिलिमीटर अशी तुरळक हजेरी लागली. जालना जिल्ह्यातील भोकरदन तालुक्यात सरासरी २.९ मिलिमीटर, जाफराबाद ८.२, जालना ६.४, अंबड २.२ , परतूर ०.७, बदनापूर ३.३, घनसावंगी ०.७ तर मंठा तालुक्यात सरासरी १.८ मिलिमीटर पाऊस झाला. पावसाचा जोर ओसरला असला तरी बुधवारी दुपारपर्यंत बहुतांश भागात ढगाळ वातावरण कायम होते.
मंडलनिहाय पाऊस (मिलिमीटरमध्ये)
छत्रपती संभाजीनगर
भावसिंगपुरा १२.३, चिकलठाणा १५.५, किशोर २०.३, चिंचोली लिंबाजी २१.३, करंजखेडा २१.३, नागद १९, वेरूळ ४७.३, निल्लोड २४.
जालना जिल्हा
कुंभारझरी ११.५ वरुड बुद्रूक १८.५ वाघरूळ ३७.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.