Pune News: दि महाराष्ट्र राज्य सहकारी बँक असोसिएशनच्या वतीने देण्यात येणारा ‘कै. वैकुंठभाई मेहता उत्कृष्ट जिल्हा मध्यवर्ती सहकारी बँक’ पुरस्कार पुणे जिल्हा मध्यवर्ती सहकारी बँकेला जाहीर करण्यात आला आहे. ही माहिती पुणे जिल्हा मध्यवर्ती सहकारी बँकेचे मुख्य कार्यकारी अधिकारी अनिरुद्ध देसाई यांनी दिली.
उपमुख्यमंत्री अजित पवार यांच्या मार्गदर्शनाखाली देशातील जिल्हा मध्यवर्ती सहकारी बँकांमध्ये प्रथम क्रमांकाची व्यावसायिक उलाढाल असणारी बँक आहे. ही बँक पहिल्या पाच क्रमांकामध्ये असणाऱ्या अर्बन शेड्यूल्ड सहकारी बँकांची तुलना करता पुणे जिल्हा मध्यवर्ती सहकारी बँकेने अग्रगण्य स्थान प्राप्त केलेले आहे.
ग्रामीण भागातील शेतकऱ्यांसह शहरी भागातील सामान्य खातेदारांना बँकिंग सोईसुविधा तत्पर व जलद उपलब्ध करून देण्यासाठी बँक कार्यरत असून सर्वसामान्य शेतकऱ्यांची सर्वांगीण उन्नती करणे हे बँकेचे मुख्य ध्येय आहे.
वार्षिक पतयोजनेतील लिड बँक अहवालानुसार पुणे जिल्ह्यामध्ये कृषी कर्ज वितरणातही पुणे जिल्हा बँकेचा सिंहाचा वाटा आहे. मार्च २०२५ अखेर बँकेच्या १४,७६६.८४ कोटीच्या ठेवी असून बँकेची एकूण उलाढाल २६,८२५.८६ कोटीची आहे.
बँकेस मार्च २०२५ अखेर ४३९.६१ कोटीचा ढोबळ नफा झालेला असून ३६३.८६ कोटीच्या तरतुदी करूनही ७५.७५ कोटीचा निव्वळ नफा झालेला आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.