Nagpur News : सोयाबीन, कापूस उत्पादकांच्या प्रश्‍नांकडे सरकारचे लक्ष वेधण्यासाठी मंगळवारी (ता. १९) रविकांत तुपकर यांच्या नेतृत्वात मोर्चा काढण्यात आला होता. या वेळी कृषिमंत्री धनंजय मुंडे यांच्यासोबत शिष्टमंडळाची झालेली चर्चा फिसकटली.
परिणामी, यापुढे सरकारसोबत चर्चा न करता छत्रपती शिवाजी महाराज यांच्या गनिमी काव्याच्या नितीचा अवलंब करीत अधिक तीव्र आक्रमक आंदोलन करण्याचा इशारा शेतकरी नेते रविकांत तुपकर यांनी मंगळवारी (ता. १९) दिला.
सोयाबीन, कापूस उत्पादकांच्या प्रश्‍नांवर लक्ष वेधण्यासाठी तुपकर यांच्या नेतृत्वात हल्लाबोल मोर्चा विधान भवनावर नेण्याचे प्रस्तावीत होते. मंगळवारी गौंडखेरीपासून याला सुरुवात झाली. झीरो माइलनजीक मोर्चाला पोलिसांनी अडवित मोर्चेकऱ्यांना ताब्यात घेतले. मोर्चेकऱ्यांची रवानगी सीआयडी कार्यालयात करण्यात आली होती.
दरम्यान, तुपकर यांनी चर्चेसाठी न जाता शेतकऱ्यांना शासनासोबत चर्चेसाठी पाठविले. त्यामध्ये कर्जफेडीकरिता अवयव विक्रीसाठी काढणाऱ्या हिंगोली जिल्ह्यातील गजानन कावरखे यांचाही समावेश होता. परंतु कृषिमंत्री व शिष्टमंडळाचे कोणत्याच विषयावर एकमत झाले नाही. त्यावरूनच सरकार शेतकऱ्यांप्रती गंभीर नसल्याचा आरोप करीत शिष्टमंडळाने चर्चास्थळावरून काढता पाय घेतला.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.