Pune News : माॅन्सूनने राज्यातील आपली वाटचाल कायम ठेवत आणखी काही भाग व्यापला. तर माॅन्सूनच्या वाटचालीसाठी आजूनही पोषक वातावरण आहे. राज्याच्या अनेक भागात पाऊस पडत असून पुढच्या ४ दिवसांमध्येही काही भागात पावसाचा अंदाज हवामान विभागाने दिला.
माॅन्सूनने आज राज्यातील आणखी काही भागात प्रवेश केला. माॅन्सूनने आज विदर्भात प्रगती केली. आज माॅन्सून अमरावती आणि चंद्रपूरपर्यंत पोचला. माॅन्सूनने आता संपूर्ण मराठवाडा व्यापला.
तसेच संपूर्ण कोकण, पश्चिम महाराष्ट्र व्यापला आहे. माॅन्सूनने आज तेलंगणाचा संपूर्ण भाग व्यापला. तसेच छत्तीसगडच्या आणखी काही भागात माॅन्सून पोचला. माॅन्सूनची सिमा आज नवसारी, जळगाव, अमरावती, चंद्रपूर, बिजापूर, सुकमा, मलकानगरी आणि विजयानगरम या भागात होती.
माॅन्सूनच्या वाटचालीसाठी पोषक हवामान आहे. त्यामुळे पुढीच्या ३ ते ४ दिवसांमध्ये माॅन्सून ओडिशा, किनारी आंध्र प्रदेश आणि बंगालच्या उपसागरात आणखी काही ठिकाणी प्रगती करेल, असा अंदाजही हवामान विभागाने दिला.
हवामान विभागाने आज आणि उद्या राज्यातील अनेक भागात पावसाचा अंदाज दिला. विदर्भात पुढील ४ चार ठिकठिकाणी पावसाचा येलो अलर्ट देण्यात आला. तर आज आणि उद्या कोकण, मध्य महाराष्ट्र आणि मराठवड्यातील अनेक भागात पावसाचा अंदाज हवामान विभागाने दिला.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.